Dhe jetuan përgjithmonë të lumtur…
Kështu mbyllen përrallat, të cilat kanë gjithmonë një fund të lumtur. Dakord, kanë mërzi, dhimbje, sakrifica, intriga, tradhti dhe lot. Por ama, mbyllen me triumfin e dashurisë.
Si në rastin e Gertit dhe Esmasë, çiftit të dashuruar, të cilët kaluan peripeci pafund për tu bërë bashkë…. për jetë të jetëve.
Dhe në u kthyem sërish në Urën vajgurore, për të vijuar historinë tonë, plot me tradhti, urrejtje dhe intriga e magjistrica. Siç ndodh gjithmonë në mbretëritë e përrallave.
Përpara komisariatit të policisë gjejmë babain e Gertit, të riut të dashuruar me Esmanë.
Pra, rrëmbimi i Esmasë, e cila la burrin dhe vajzat për Gertin, nuk qenka mirëpritur nga familja e tij, të cilët mezi po presin t’i japin duart të fejuarës së padëshiruar. Madje ka qenë babai i Gertit që ka komunikuar me Kastriotin, burrin e tradhtuar, për t’ia kthyer gruan në shtëpi.
Më pas ai nis të tregoje takimin e parë me Esmanë, këtu e 7 muaj më parë.
Në momentin kur po mundohemi ta zbërthejmë këtë trekëndësh dashurie nga babai i Gertit, afrohet Esmaja, protagonistja e kësaj historie.
Shihet qartë se marrëdhënia e çiftit të ri ka marrë një goditje fatale, dhe për këtë dikush është fajtor.
Skena është bërë vërtetë sureale dhe shpesh herë komikes i lë vend një ndjenjë trishtimi, teksa sheh Kastriotin që me të voglën në krah, kërkon të shfajësohet, dhe pret vendimin që do të marrë gruaja e tij.
Ndërsa flasim me Kastriotin, aty afrohet nëna e Gertit, i cili është pak metra me larg, i mbrojtur nga policët.
Por Esmaja ndërhyn edhe njëherë duke shfryre gjithë inatin te familjarët e Gertit, të cilët po bëjnë të pamundurën ta ndajnë nga e fejuara.
Situata është tashmë jashtë kontrollit dhe të gjithë po përplasen me njëri-tjetrin.
Ndërsa jemi në mes të këtij sherri verbal, një ambulancë hyn në oborrin e komisariatit të policisë, dhe dikush na njofton se Gerti, i fejuari i Esmasë, nuk ndjehet mirë.
Në të vërtetë, nëse ka një strumbullar të gjithë çfare po ndodh dhe që ka ngatërruar dynjanë, është pikërisht ai.
Prandaj e presim me durim derisa të përmirësohet për të kuptuar se çfarë ka ngatërruar kësaj here.
Pra Gerti pretendon se është tërhequr dhe e ka flakur Esmanë në rruge nga presioni. Por ne jemi të sigurt se po na gënjen përsëri, sepse ne fakt ai është tërhequr vetëm nga frika e prindërve.
Po ti e dije që ka ikur 5 herë nga burri dhe është kthyer prapë?
Jo nuk e di…
Pasi e kemi lënë Gertin në kulmin e dëshpërimit, nga ana tjetër e rrugës, janë Esmaja me Kastriotin, të cilët po përgatiten për tu kthyer në shtëpi bashkë me të voglën e tyre. Tashme gruaja e re duket më e qetë dhe e vendosur për të ardhmen e saj.
Dashuria nuk është ‘ata jetuan të lumtur përgjithmonë’. Ajo është thjeshtë fundi i përrallave me princër e princesha. Dashuria është të dish ta përballosh jetën. Bashkë, si familje. Megjithë pengesat e peripecitë, me gjithë hallet e shqetësimet e përditshmërisë.
Dhe e rëndësishme, është të dish të falësh.
EMISIONI I PLOTE: