Momentet e panikut për shkak të tërmetit të mesnatës në Dushk të Lushnjes, i kanë marrë jetën një 20-vjeçari.
I riu i identifikuar si Daniel Rika ishte trembur në gjumë nga goditje e tërmetit dhe menjëherë ka vrapuar për të dalë nga banesa, por është penguar dhe rrëzuar nëpër shkallë duke humbur jetën.
Të afërm të viktimës Daniel Rika, kanë deklaruar se i riu humbi jetën pasi ka rënë në shtëpi.
“Nipi ka qenë i sëmurë. Mesa mora vesh unë është trembur është çuar dhe ka rënë dhe ka vdekur. Nuk e di se si ka rënë. Unë tani erdha në spital sepse isha te shtëpia dhe më thanë që e ka marrë ambulanca dhe e ka prurë. Ka qenë i vdekur kur e kanë sjellë në spital. Ai ishte i sëmurë, ka qenë shtruar”– tha një i afërmi i viktimës.
Nga ana tjetër, një tjetër i afërm theksoi se i riu vuante nga probleme të shëndetit mendor.
I afërmi: Iku me nusen, vajti te shtëpia dhe më tha që kishte vdekur çuni nga tërmeti.
Si nga tërmeti? Ishte në gjumë?
I afërmi: Më duket se po.
Nga çfarë probleme shëndetësore vuante?
I afërmi: Më duket se vuante nga ana mendore. Ka pasur probleme të shëndetit mendor dhe merrte edhe kurime.
Po shtëpia ka pësuar dëme nga tërmeti?
I afërmi: Nuk di gjë.
Juve çfarë e keni familjen e viktimës?
I afërmi: Krushk.