Një 20 vjeçar shqiptar bashkë me dy persona të tjerë kanë tentuar që të vjedhin një banesë në via Monte Nero, Itali. Sipas asaj që shkruajnë mediet italiane, i riu shqiptar kishte shkuar në Itali pak kohë më parë me vizë turistike, por që u arrestua për tentativë vjedhje.
Ka qenë një banor i zonës që ka telefonuar Policinë, pasi pa tre persona të dyshimtë, të cilët pasi janë ngjitur në tubacionet e gazit të një pallati, kanë mbërritur në ballkonin e një apartamenti në katin e dytë.
Karabinierët ndërhynë në kohë, duke parandaluar grabitjen, si dhe duke arrestuar 20 vjeçarin, ndërkohë dy bashkëpunëtorët e tij u shpallën në kërkim.