Të tjera detaje kanë dalë mbi ngjarjen e rëndë të ndodhur në Dhërmi, ku mbeti viktimë 31-vjeçari Eraldo Nevruzi.

Sipas burimeve për Euronews Albania, bëhet me dije se Nevruzi është ekzekutuar në brendësi të një dhome hoteli në Dhërmi.

Autori i dyshuar i kësaj ngjarje është identifikuar nga policia e Vlorës si 43 vjecari Gerald Shehu. Të dy personat kanë qënë në brendësi të hotelit Grecia në Dhërmi kur dyshohet se janë konfliktuar.

Gerald Shehu ka nxjerr armën dhe dyshohet se e ka goditur me një plumb në kokë. Më pas e ka mbështjellë trupin me çarçaf dhe e ka futur në brendësi të makinës së tij. E gjithë ngjarja është filmuar nga kamerat e sigurisë së hotelit.

43-vjeçari më pas është larguar me automjetin tip Audi A8 me targa angleze në drejtim të Greqisë. Autori ka hedhur trupin e viktimës diku përgjatë itenerarit në drejtim të Greqisë dhe më pas është futur në shtetin e Greqisë pa automjet. Policia ka marrë informacione nëpërmjetë sistemit Tims për lëvizjen e 43 vjeçarit dhe ka nisur kërkimet falë edhe bashkëpunimit më shtetin Grek.

Pas disa orëve nga ngjarja në fjalë është arrestuar në aeroportin e Korfuzit 43 vjeçari Shehu teksa kishte prerë biletat për të iku në drejtim të Anglisë. Automjeti i autorit është gjetur në lagjen nr. 4 Sarandë. Pas arrestimit për autorin po punohet për ekstradimin e tij. Pistat të cilat dyshohet se ka ndodhur ngjarja në fjalë janë konflikt i çastit si dhe prishje e pazareve të drogës. Viktima dhe autori kishin njohje në Angli ku dyshohet se mund të jenë përfshirë në botën e krimit. 31-vjeçari Eraldo Nevruzi kishte një javë që kishte filluar punë në hotelin në fjalë.

Recepsionistja e cila ndërroi turnin me të një ditë më parë, Paola Spaho, thotë se ishte djalë i lëvizshëm teksa shtoi se nuk di asgjë rreth ngjarjes. Sipas saj një javë më parë Eraldo Nevruzi ka kërkuar punë duke filluar normalisht teksa tha sërish se nuk dinte se çfarë lidhje ka patur me pronarin e hotelit.

Policia e Vlorës ka vazhduar përgjatë gjithë kohës kërkimet në zonën e Dhërmiut dhe Vunoit, por edhe përgjatë fshatrave të bregdetit. Gerald Shehu ishte dhëndri i pronarit të hotelit, bashkëpronar në njësinë e biznesit. Në automjetin e autorit nuk është gjetur arma e zjarrit.

Recepsionistja e hotelit, ku ndodhi ngjarja e rëndë në Himarë, me viktimë Erlado Nevruzin, ka zbuluar disa detaje të reja, nga vrasja.

Ajo e përshkruan viktimën 31-vjeçarin si djalë të lëvizshëm, ndërsa tregon se kishte vetëm pesë ditë që kishte filluar punë, po ashtu si recepsionist. Ndërsa për të dyshuarin si vrasës së tij, Gerald Shehun, thotë që nuk e njeh shumë dhe se të dy nuk kanë pasur konflikte të mëparshme.

Kur ka filluar të punojë Eraldo këtu?

Recepsionistja: Nuk ka shumë kohë, diku te pesë ditë

Si e njeh Eraldon?

Recepsionistja: Ishte tip i lëvizur, nuk më është dukur djalë i rregullt

Po Geraldin, dhëndrin e pronarit e njihje?

Recepsionistja: Nuk kam biseduar shumë me atë, më shumë me pronaren se ai ka pasur pjesën e restorantit

Kur e le turnin dhe kush të ndërroi?

Recepsionistja: E lash në orën 22:30 më ndërroi Eraldo. Kisha për ta lënë në 20:00, por erdhi më herët

Ju flini këtu, keni dëgjuar gjë pas orës 11?

Recepsionistja: Jo, isha në dhomë dhe nuk kam dëgjuar asgjë, mami ishte duke fjetur unë po rrija në celular.

Çfarë kishit parë nga ata të dy, kishit parë konflikte?

Recepsionistja: Kjo është ajo që na çudit sepse nuk kishin asnjë lloj kontakti ndryshe nga të tjerët

Kur e morët vesh ngjarjen?

Recepsionistja Ngjarjen e mora vesh në orën 09:00, kur erdhi mami te dhoma.

Ku kishte ndodhur ngjarja?

Recepsionistja: Mesa thonë këta te pjesa e parkingut mbrapa, të pjesa e stafit

Policia ju mori në pyetje?

Recepsionistja: Dhamë aq informacion sa kishim. Eraldo erdhi këtu dhe kërkoi punë si një i panjohur, si djalë i ri

Nga vinte?

Recepsionistja: Jo nuk tha gjë, erdhi këtu dhe tha që po kërkoj punë për barist, këta i thanë që do presësh, por po ashtu hajde puno në recepsion.

Geraldin e njihje?

Recepsionistja: Jo, është hera e parë që punoj këtu, nuk kam asnjë ankesë për pjesën e sigurisë

Planeti sapo shënoi një moment historik të ri “tronditës”, duke duruar 12 muaj radhazi vapë të paprecedentë, sipas të dhënave të reja nga Copernicus, shërbimi i monitorimit të klimës në Bashkimin Evropian.

Çdo muaj i vetëm nga qershori 2023 deri në maj 2024 ishte muaji më i nxehtë në botë i regjistruar, treguan të dhënat e Copernicus.

Rripi i nxehtësisë 12-mujore ishte “tronditës, por jo befasues” duke pasur parasysh ndryshimet klimatike të shkaktuara nga dora e njeriut, tha Carlo Buontempo, drejtori i Copernicus, i cili paralajmëroi për më keq që do të vijnë.

Nëse nuk zvogëlohet ndotja nga karburantet fosile që po ngroh planetin, “ky varg i muajve më të nxehtë do të mbahet mend si relativisht i ftohtë”, tha ai sipas CNN.

Copernicus publikoi të dhënat e tij në të njëjtën ditë kur Sekretari i Përgjithshëm i Kombeve të Bashkuara António Guterres mbajti një fjalim në Nju Jork për ndryshimet klimatike, duke kritikuar kompanitë e karburanteve fosile si “kumbarët e kaosit klimatik” dhe, për herë të parë, duke u bërë thirrje në mënyrë eksplicite të gjitha vendeve që të ndalojnë reklamimin e produkteve të tyre të karburanteve fosile.

Guterres u kërkoi udhëheqësve botërorë që të marrin me shpejtësi kontrollin e krizës së klimës ose të përballen me pika të rrezikshme kthese.

“Ne po luajmë ruletë ruse me planetin tonë”, tha ai të mërkurën. “Ne kemi nevojë për një rampë daljeje nga autostrada drejt ferrit klimatik”.

Ndërsa temperaturat rriten, angazhimet globale të klimës janë “varur nga një fije”, paralajmëroi ai.

Të dhënat e Copernicus treguan se çdo muaj që nga korriku 2023 ka qenë të paktën 1.5 gradë më i ngrohtë se temperaturat para industrializimit, kur njerëzit filluan të djegin sasi të mëdha të lëndëve djegëse fosile që ngrohin planetin.

Temperatura mesatare globale gjatë 12 muajve të fundit ishte 1.63 gradë mbi këto nivele para-industriale.

Sipas Marrëveshjes së Parisit në 2015, vendet ranë dakord të kufizojnë ngrohjen globale në 1.5 gradë mbi nivelet para-industriale.

Ndërsa ky synim i referohet ngrohjes gjatë dekadave, në vend të një muaji apo viti të vetëm, shkencëtarët thonë se kjo shkelje është një sinjal alarmues.

“Kjo është një pararojë e ndikimeve gjithnjë e më të rrezikshme klimatike afër horizontit”, tha Richard Allan, një profesor klimatik në Universitetin e Reading në MB.

Lajmi vjen pasi SHBA-ja perëndimore po përjeton valën e parë të të nxehtit, deri më tani këtë verë me temperaturat që rriten në tre shifra. Por nxehtësia e paprecedentë ka lënë tashmë një gjurmë vdekjeje dhe shkatërrimi në të gjithë planetin këtë pranverë.

Dhjetra kanë vdekur në Indi gjatë javëve të fundit pasi temperaturat kanë kaluar 50 gradë Celsius, temperaturat brutale në Azinë Juglindore kanë shkaktuar vdekje, mbyllje shkollash dhe tkurrje të korrave; dhe ndërsa vapa u rrit në Meksikë, majmunët ranë të vdekur nga pemët.

Ajri dhe oqeanet më të nxehtë nxisin gjithashtu reshje më të mëdha shiu dhe stuhi shkatërruese si ato që kanë goditur Shtetet e Bashkuara, Brazilin, Kenian dhe Emiratet e Bashkuara Arabe këtë vit.

Nxehtësia e fundit ofron “një dritare drejt së ardhmes me nxehtësi ekstreme që sfidon kufijtë e mbijetesës njerëzore”, tha Ben Clarke, një studiues në Institutin Grantham të Kolegjit Imperial në Londër.

“Është jetike që njerëzit të kuptojnë se çdo e dhjeta e shkallës së ngrohjes ekspozon më shumë njerëz ndaj nxehtësisë së rrezikshme dhe potencialisht vdekjeprurëse,” tha ai për CNN.

“Ngjarjet ekstreme të shkaktuara nga kaosi klimatik po grumbullohen, shkatërrojnë jetë, godasin ekonomitë dhe dëmtojnë shëndetin”, tha Gutteres.

Njerëzimi ka një ndikim të madh në botë, tha ai, duke e krahasuar atë me meteorin që filloi procesin e zhdukjes së dinosaurëve 66 milionë vjet më parë.

“Në rastin e klimës, ne nuk jemi dinosaurët”, tha Guterres. “Ne jemi meteori. Ne nuk jemi vetëm në rrezik. Ne jemi rreziku.”

Një e ardhme edhe më e nxehtë

Temperaturat globale pritet të fillojnë të bien nën nivelet rekord në muajt e ardhshëm pasi El Niño – një fenomen natyror klimatik që tenton të rrisë temperaturën mesatare të planetit – dobësohet.

Por kjo nuk do të thotë një fund për tendencën afatgjatë të rritjes së temperaturave pasi njerëzit vazhdojnë të djegin lëndë djegëse fosile që ngrohin planetin.

“Ndërsa kjo sekuencë e muajve rekord do të ndërpritet përfundimisht, nënshkrimi i përgjithshëm i ndryshimit të klimës mbetet dhe nuk ka asnjë shenjë në horizont për një ndryshim në një prirje të tillë”, tha Buontempo.

Fjalimi i Guterres iu referua gjithashtu të dhënave të reja të publikuara nga Organizata Botërore Meteorologjike, të cilat gjetën një shans gati 86% që të paktën një nga vitet midis 2024 dhe 2028 të thyejë rekordin e vitit më të nxehtë, të vendosur në 2023.

ËMO gjithashtu llogariti një shans gati 50% që temperaturat mesatare globale gjatë gjithë periudhës pesëvjeçare midis 2024 dhe 2028 të ishin më shumë se 1.5 gradë mbi nivelet para-industriale. Kjo do ta sillte botën më afër shkeljes së kufirit afatgjatë prej 1.5 gradësh në zemër të Marrëveshjes së Parisit.

Guterres fajësoi fort për krizën klimatike në pragun e kompanive të lëndëve djegëse fosile që “marrin fitime rekord dhe gëzojnë triliona subvencione të financuara nga taksapaguesit”, tha ai.

Këto kompani kanë shpenzuar miliarda dollarë gjatë dekadave “duke shtrembëruar të vërtetën, duke mashtruar publikun dhe duke mbjellë dyshime”, shtoi ai. Ai i bëri thirrje çdo vendi të ndalojë reklamat e karburanteve fosile, të ngjashme me ndalimet e reklamave të zbatuara në mbarë botën për produkte të tjera që dëmtojnë shëndetin e njeriut, siç është duhani.

“Jemi në një moment të së vërtetës”, tha ai, duke shtuar se beteja për një planet të jetueshëm do të fitohej ose humbiste në këtë dekadë.

Ai u bëri thirrje udhëheqësve botërorë që të ndërmarrin veprime të menjëhershme, duke përfshirë shkurtime të mëdha në ndotjen e ngrohjes së planetit dhe një fund të menjëhershëm të çdo projekti të ri të qymyrit.

Ai i shtyu vendet e pasura të angazhohen për të lënë qymyrin deri në vitin 2030, duke reduktuar naftën dhe gazin me 60% deri në vitin 2035 dhe duke rritur rrjedhën e financimit për vendet më të varfra dhe më të cenueshme nga klima.

“Ne nuk mund të pranojmë një të ardhme ku të pasurit mbrohen nga flluska me ajër të kondicionuar, ndërsa pjesa tjetër e njerëzimit goditet nga moti vdekjeprurës në tokat e pajetueshme”, tha Guterres.

Tetë punonjës policie të Komisariatit të Rinasit dhe një person tjetër në rolin e organizatorit me agjenci udhëtimi u arrestuan pas një hetimi të Prokurorisë së Tiranës dhe Agjencisë së Mbikëqyrjes Policore.

Me kërkesë të prokurorit Bledar Valikaj që udhëhoqi hetimin, organizatori Enea Sulejmanaj dhe polici kufitar Briken Tereziu u lanë në arrest në burg, tre policë të tjerë në arrest shtëpie ndërsa 4 punonjës të tjerë policie në detyrim paraqitje.

Prokuroria ka zbardhur komunikimet mes palëve se si koordinohej lejimi i kalimit të qytetarëve nga aeroporti i Rinasit drejt vendeve të BE-së në shkelje të rregullave shengen. Kjo bëhej kundrejt pagesës që qytetarët ua jepnin organizatorit Enea Sulejmanaj, e ky i fundit më pas ua shpërndante punonjësve të policisë. Punonjësi më aktiv i policisë në këtë aktivitet ilegal që merrte ryshfet është Briken Tereziu, i cili u la në arrest në burg.

Eneo: Mgjes vlla si je. A u lodhe. Je ne pune sot

Briken: Mire vlla. Si je ti.

Eneo: Mire vlla ja sa dolem nga shpia

Briken: Te puna jam

Eneo: (I dërgon pasasportën e shtetasit Arbri A.). Tirane Bari Barcelone. Po 2 vula ka me I faqe. Po munde veja 1 tjeter super. Shife vet

Briken: Ok. Te katra thuaj

Eneo: Rrofsh vlla. Po ngjiten vlla. Eshte dhe I tjeter, ai smka dhen gje

Briken: Ma jep emrin

Eneo: (I dërgon pasaportën e shtetasit Qato K.). O vlla ma shef dot nje rob a ka ardh ne shqiperi

Briken: Ok ma nis

Eneo: I dërgon pasasportën e shtetasit Aurel K.

Nga kqyrja në sistemin TIMS rezulton se shtetasi Arbri A. është përpunuar në dalje të territorit të RSH më datë 30.05.2023 ora 10:32 nga punonjësi i policisë me username në TIMS TereziuB. Ky shtetas ka konsumuar ditët e qëndrimit në vendet shengen si dhe dyshohet që për shmangien e problematikave në shtetin destinacion udhëtimi, i janë vendosur vula fiktive në pasaporte.

Nga kqyrja në sistemin TIMS rezulton se shtetasi Qato K.është përpunuar në dalje të territorit të Shqipërisë më datë 30.05.2023 ora 10:33 nga punonjësi i policisë me username në TIMS TereziuB. Ky shtetas ka konsumuar ditët e qëndrimit në vendet shengen.

Nga kqyrja në sistemin TIMS rezulton se shtetasi Aurel K. (për të cilin shtetasi Eneo Sulejmanaj interesohej nëse ishte kthyer në Shqipëri), rezulton i përpunuar në dalje të territorit të RSH më datë 13.05.2023 ora 14:09 nga punonjësi i policisë me username në TIMS mesitim, në tejkalim të ditëve të qëndrimit dhe nuk ishte kthyer në Shqipëri.

Eneo: O vlla ca ben si je. A mu lodhe

Briken: Si je mire

Eneo: Mire vlla. Kemi i cunin e shokut ton. E kemi nis dhe her tjtr

Briken: Ca ka

Eneo: (I dërgon pasaportën e shtetasit Klensid D.). Si ka mush 18 akoma

Briken: Te them per pak

Eneo: Ok vlla. Me thuja vlla

Nga kqyrja në sistemin TIMS rezulton se shtetasi Klensid D. është përpunuar në dalje të territorit të Shqipërisë më datë 05.06.2023 ora 15:44 nga punonjësi i policisë me username në TIMS TereziuB.

Më datë 21.12.2023, ora 09:18 është përpunuar përsëri nga punonjësi i policisë me username në TIMS TereziuB. Shtetasi Klensid D.dtl. 27.05.2006, nuk ka mbushur moshën 18 vjeç dhe është lejuar të udhëtojë pa prokurën e prindërve.

Briken: Ca thon punet. Mire po lodh shume

Eneo: Merzit m shume se pun ka pas

Briken: Spo na lejne me mar frym shume rob

Eneo: Me 12 orarsh besoj

Briken: Po po deri nga mesi shtatorit kshu do vazhdoje

Eneo: Po fillojn po ka kerkes per kta qe kan ardh. Se spo ikin dot

Briken: Pse spo ikin

Eneo: Po si lejn anej nga vlora nga durrsi

Briken: Vlora eshte problem

Eneo: Po vlla e di po do vijn ti nisim ktej. E di qe ti kam vonu ato. Ma bej hallall

Briken: Shikoje vete vlla skam ca te them. Thjesht me te kujtu

Eneo: Po s harroj une vlla vetem jam qen cik ngusht

Briken: Shife vete mos e vrit menjen edhe kshu copa copa se bashk nuk bohen kollaj

Eneo: Ok vlla se do ti myllim kto dite

---

MASAT E SIGURISË

– Briken Tereziu me detyrë Ndihmës specialist, kontrollor: Seksioni i kufirit, në Komisariatin e Policisë Kufitare Aeroporti Rinas, në Drejtorinë Vendore të Policisë Tiranë, për veprën penale “Korrupsion pasiv i personave që ushtrojnë funksione publike”, “Shpërdorim detyre” parashikuar nga neni 259 dhe 248 të K.Penal; Masa e sigurisë “arrest në burg” neni 238 i K.Pr.Penale

– Eno Sulejmanaj për veprën penale “Korrupsion aktiv i personave që ushtrojnë funksione publike”, parashikuar nga neni 244 i K.Penal. Masa e sigurisë “arrest në burg” neni 238 i K.Pr.Penale;

– Sokol Xhika me detyrë Ndihmës specialist, kontrollor: Seksioni i kufirit, ne Komisariatin e Policisë Kufitare Aeroporti Rinas, në Drejtorinë Vendore të Policisë Tiranë, për veprën penale “Shpërdorim detyre”, parashikuar nga neni 248 i K.Penal; Masa e sigurisë “arrest në shtëpi” neni 237 i K.Pr.Penale

– Ermal Mesi me detyrë Ndihmës specialist, kontrollor: Seksioni i kufirit, në Komisariatin e Policisë Kufitare Aeroporti Rinas, në Drejtorinë Vendore të Policisë Tiranë, për veprën penale “Shpërdorim detyre”, parashikuar nga neni 248 i K.Penal; masa e sigurisë “arrest në shtëpi” neni 237 i K.Pr.Penale

–Aris Drini me detyrë Ndihmës specialist, kontrollor: Seksioni i kufirit, në Komisariatin e Policisë Kufitare Aeroporti Rinas, në Drejtorinë Vendore të Policisë Tiranë, për veprën penale “Shpërdorim detyre”, parashikuar nga neni 248 i K.Penal; Masa e sigurisë “arrest në shtëpi” neni 237 i K.Pr.Penale.

-Ylli Prençi me detyrë Ndihmës specialist, kontrollor: Seksioni i kufirit, në Komisariatin e Policisë Kufitare Aeroporti Rinas, në Drejtorine Vendore të Policisë Tiranë, për veprën penale “Shpërdorim detyre”, parashikuar nga neni 248 i K.Penal; Masa e sigurisë “detyrim për t’u paraqitur në Policinë Gjyqësore” neni 234 i K.Pr.Penale.

–Rei Shenjtolli me detyrë Ndihmës specialist, kontrollor: Seksioni i kufirit, në Komisariatin e Policisë Kufitare Aeroporti Rinas, në Drejtorine Vendore të Policisë Tiranë, për veprën penale “Shpërdorim detyre”, parashikuar nga neni 248 i K.Penal; Masa e sigurisë “detyrim për t’u paraqitur në Policinë Gjyqësore” neni 234 i K.Pr.Penale.

– Enkis Aliaj me detyrë Ndihmës specialist, kontrollor: Seksioni i krimit në Komisariatin e Policisë Kufitare Aeroporti Rinas, në Drejtorine Vendore të Policisë Tiranë, për veprën penale “Shpërdorim detyre”, parashikuar nga neni 248 i K.Penal; Masa e sigurisë “detyrim për t’u paraqitur në Policinë Gjyqësore” neni 234 i K.Pr.Penale.

–Argil Hasa me detyrë Ndihmës specialist, kontrollor: Seksioni i krimit në Komisariatin e Policisë Kufitare Aeroporti Rinas, në Drejtorine Vendore të Policisë Tiranë, për veprën penale “Shpërdorim detyre”, parashikuar nga neni 248 i K.Penal; Masa e sigurisë “detyrim për t’u paraqitur në Policinë Gjyqësore” neni 234 i K.Pr.Penale.

Burime nga gjykata e Tiranës bëjnë me dije detaje të tjera nga padia e Xhensilës e cila jo vetëm kërkon që divorci të kryhet pa faj, por gjithashtu kërkon lënie për edukim dhe rritje të fëmijëve si edhe pension ushqimor prej 150 mijë lekë të vjetra për dy të miturit.

Gazetarja e Top Channel, Anila Hoxha, raporton se gjyqtarja e çështjes Adelajda Gjuzi nuk ka caktuar ende datën e procesit të divorcit mes çiftit të famshëm, pasi e ktheu padinë pas për plotësime shtesë sepse nuk ishte e firmosur.

Në padi thuhet se “Paditësja Xhensila Kallaku dhe i padituri Besart Kallaku, kanë lidhur martesë ndërmjet tyre, të cilën e kanë celebruar në datë 13.06.2018, siç vërtetohet edhe nga certifikata e martesës e lëshuar nga Zyra e Gjendjes Civile 381, Njësia Administrative nr. 9. Palët ndërgjyqëse janë njohur me dashuri”, thuhet në kërkesën që ju depozitua për herë të dytë gjykatës nga avokatja e çështjes Donata Lepenica. Avokatja nuk dha asnjë koment për Top Channel për procesin.

“Paditësja dhe i padituri janë njohur në një moshë shumë të re. Ata kanë ndërtuar marrëdhënien e tyre mbi baza të dashurisë dhe respektit reciprok. Palët ndërgjyqëse kanë filluar të bashkëjetojnë me njëri-tjetrin në vitin 2011, në banesën e prindërve të të paditurit.

Më datë 1 (një) Shtator të viti 2017 palët kanë realizuar martesën faktike. Pas celebrimit të dasmës së tyre, palët kanë filluar bashkëjetesën”, i thuhet gjykatës.

“Marrëdhëniet bashkëshortore kanë qenë të mira dhe harmonike. Në dy vitet e fundit, marrëdhëniet në çift janë acaruar, shkak kanë qenë keqkuptimet e vazhdueshme, të cilat edhe pse me përkushtim nga të dyja palët, nuk kanë gjetur gjuhën e përbashkët për zgjidhje përfundimtare.

Çifti ka rreth një vit që nuk jetojnë më bashkë. Në kushtet që martesa ka mbetur formale nuk funksionon më, dhe ka humbur kuptimin e saj për të cilin është lidhur, paditësja i drejtohet Gjykatës me padi për zgjidhjen e kësaj martese dhe rregullimin e pasojave që vijnë prej saj”, deklarohet në padinë për zgjidhje martese pa faj./ TCH

Tre shokë janë përqafuar me njëri-tjetrin përpara se të përfshiheshin nga përmbytjet në Itali.

Të rinjtë po qëndronin në lumin që rrjedh shpejt përgjatë lumit Natisone në Friuli. Patrizia Cormos, 20 vjeç, shoqen e saj Bianca Doros, 23 vjeç dhe të dashurin e saj Cristian Molnar, 25 vjeç ishin tre shokët të cilët u panë në pamje duke u përqafuar me njëri-tjëetrin para se rrjedha ti përmbysë.

Niveli i ujit filloi të rritej pas shiut të dendur duke e lënë grupin të bllokuar në një ishull të vogël guralecësh.

Shefi i zjarrfikësve ju hodhi një litar por për fat të keq treshja u zhduk nga përmbytja. Dy trupa janë gjetur 1 km larg dhe dyshohet se dy trupat janë të dy shoqeve. Ekipet e shpëtimit janë ende në kërkim të Molnar. Miqtë kishin shkuar me makinë në plazhin Premariacco pranë Udines dhe kishin ecur poshtë në lumë.

Doras dhe Molnar, të dy rumunë, po vizitonin familjen në Itali. Cormas i kishte kërkuar nënës së saj të shkonte në udhëtim pasi kishte mbaruar provimet në Akademinë e Arteve të Bukura në Udine. Një zjarrfikës i bërtiti grupit nga një urë aty pranë: Qëndroni së bashku, mblidhuni së bashku, përqafoni njëri-tjetrin. Më pas ai mund të dëgjohet duke thënë: ‘Oh jo – oh zot.’

Është gjetur një çantë dore me celularin që ka bërë thirrjen e urgjencës SOS. Kryebashkiaku Michele De Sebata shprehu ngushëllimet e tij për treshen që u bllokuan në një ‘situatë të paparashikueshme’. Ai tha se “tre fëmijët arritën kur ishte me diell, ata nuk mund ta dinin se çfarë do të ndodhte”. Ai shpjegoi se lumi mund të ndryshojë shpejt dhe ‘u deshën vetëm minuta’ që tragjedia të ndodhte.

Një ngjarje e pazakontë është regjistruar me fluturimet ajrore.

“BILD” raporton se një 83-vjeçare, për shkak të një ngatërrese avioni në aeroportin e Nurembergut në Gjermani, ka përfunduar në Tiranë në vend që të shkonte në Athinë.

Sipas gazetës gjermane, fluturimi i të moshuarës ishte prenotuar nga djali i saj në Athinë dhe që kishte paguar edhe asistencë për nënën e tij për ta shoqëruar gjatë udhëtimit.

Por punonjësit e aeroportit e hipën të moshuarën në avionin e gabuar. Ajo zbarkoi në Shqipëri në vend të Greqisë. 83-vjeçarja, në një karrocë me rrota nuk dinte ku të shkonte në aeroportin e Tiranës derisa u pikas nga një punonjës i sigurisë.

Ajo nuk fliste as gjermanisht dhe as anglisht dhe vështirë se mund të komunikonte në një vend të huaj. Pasi u lidh me vajzën që kishte në Gjermani, të moshuarës i rezervuan në një hotel pranë aeroportit në Tiranë derisa mori një avion tjetër për në Athinë.

BILD thotë se autoritete janë duke e e hetuar rastin se si ndodhi ngatërresa.

Për javën që presim: vendi ynë parashikohet të jetë në ndikim të kushtreve atmosferike të qëndrueshme.

Moti parashikohet të jetë i kthjellët e me vranësira të pakta deri mesatare kryesisht nga orët e mesditës.

Pëjashtim bën dita e Hënë ku moti parashikohet të jetë me vranësira mesatare e hera –herës të dendura. Vranësirat nga orët e mesditës pritet të pasohen nga reshje shiu me intensitet të ulët përgjatë Ultësirës Perëndimore e lokalisht mesatar në veri kryesisht në relievet malore. Të cilat pritet të jenë në formën e shtrëngatave afatshkurtra shoqëruar me shkarkesa elektrike lokalisht breshër. Në orët e pasdites reshjet e shiut me intensitet të ulët izolohen në relievet malore në pjesë verilindore të territorit e më pas pritet ndërprerja e reshjeve në të gjithë territorin.

Era parashikohet të jetë nga kuadrati i Perëndimit me shpejtësi mesatare deri në 8m/sek, e cila hera-herës përgjatë vijës bregdetare dhe zonave luginore fiton shpejtësi deri në 10-12m/sek.

Valëzimi në dete pritet të jetë i forcës 1-2 ballë.

Vapa do të nis me qershorin.  Termometri sipas meteorologëve parashikohet të shënojë vlera të ngjashme me muajin  korrik dhe gusht.   Kjo për shkak të masave ajrore me origjinë nga Arika  që do të përfshijnë  të gjithë Ballkanin.

” Te shtunen që futemi zyrtarisht në qershor  presim temperatura 32 – 33 gradë celcius,  e diela, e hëna 34 gradë,  më pas dhe java tjetër le të themi do të sjellë temperatura shumë të larta, të  paktën deri në datën 15.  Starton sikur të jenë  temperatura korriku apo gushti  ku përgjatë kësaj vale mund të shënojmë dhe vlera  37 gradë në zona të izoluara. Është një masë ajrore nga Afrika e cila po fuqizohet, në fakt do të jetë në  Europën Juglindore duke përfshirë dhe Ballkanin.”

Të pakta  pritet  te jenë ditët me temperatura normale për muajin.  Pavarësisht se qielli nuk do të jetë përherë i kthjellët   meteorologët nuk parashikojnë  reshje  intensive.

“Vranësirat do të jenë prezente,  në zonat lindore parashikohet të ketë grumbulim të vranësirave  duke gjeneruar reshje të pakta dhe aspak problematike.  Është parashikuar që qershori të jetë mjaft i nxehtë,  edhe pse mund të kemi një normalizim të temperaturave pas valës,  do kemi sërish valë të të nxehtit përgjatë gjithë qershorit.”

Pas mbylljes  së një muaji relativisht të freskët si maji menjëherë sipas meteorologëve nis një  muaj i nxehtë  si qershori.

Sipas Sherbimit Metereologjik Ushtarak, fundjava pritet të jetë në ndikim të kushtreve atmosferike relativisht të qendrueshme.

Moti parashikohet të jetë me kthjellime dhe vranësira të cilat në orët e mesditës përgjatë relieveve malore në verilindje-juglindje do të pasohen nga reshje lokale shiu.

Era parashikohet të jetë nga kuadrati i jugut me shpejtësi mesatare deri në 7m/sek, e cila hera-herës përgjatë vijës bregdetare dhe zonave luginore fiton shpejtësi deri në 10m/sek.

Valëzimi në dete pritet të jetë i forcës 1-2 ballë.