Dalin pamjet nga momenti i sulmit ndaj avokatit Sokol Mëngjesi, ngjarje që ka ndodhur paraditen e sotme në Tiranë.

Në video, shikohet avokati që po del nga një kopsht në zonën e ish-bllokut në rrugën “Pjetër Bogdani” pasi la fëmijën.

Avokati ka qenë duke u larguar nga kopshti kur është goditur nga 3 persona.

Ai është goditur fillimisht në kokë, duke rënë menjëherë në tokë.

Ndërsa avokati rrëzohet në tokë, agresorët e kanë qëlluar sërish.

Autorët janë larguar me vrap, duke e lënë të shtrirë në tokë.

Hakil Osmani nga MeteoAlb tha për “Good Morning Albanians” se moti pritet të jetë i paqëndrueshëm deri ditën e enjte. Ai tha se reshjet e shiut do të vazhdojnë, ndërsa zonat më pak të prekura nga moti i keq do të jetë vija bregdetare.

“Edhe kjo javë deri ditën e enjte do jetë me mot të paqëndrueshëm. Kalimet e vranësirave do të jenë të shpeshta në mesditë deri ditën e enjte dhe do të kemi prezente reshje shiu.

Këto reshje do vijnë në formën e rrebesheve, më të theksuara do të jenë në zonat veriore dhe pjesërisht në zonat qendrore, ndërsa juglindja dhe zona jugore do kenë momente më të pakta me reshje. Vija bregdetare nga Durrësi deri në Sarandë, do kenë momente më të pakta me pika shiu. Nga e premtja dhe gjatë fundjavës, do kemi përmirësim të kushteve të motit”,-tha Osmani.

Ai tha se nga e premtja dhe gjatë fundjavës kushtet e motit do të përmirësohen.

“Sa i takon temperaturave të ajrit, maksimumi të hënën dhe të martën temperaturat do të jenë 28-29 gradë celsius, ndërsa nga e mërkura e në vijim do rriten sidomos të premten dhe në fundjavë. Temperaturat mund të kalojnë edhe vlerat 31-32 gradë celsius”,-tha Osmani.

Për javën që presim përpara vendi ynë do të jetë në ndikim të kushteve atmosferike të paqëndrueshme deri ditën e enjte.

Dita e henë parashikohet të jetë me vranësira dhe reshje shiu të cilat do të jenë fillimit përgjatë vijës bregdetare dhe në orët e mesditës do te shtrihen edhe në pjesën tjetrë të vendit. Hera-herës reshjet pritet të jenë në formën e shtrëngatave afatshkurtra.

Dita e martë parashikohet të jetë me kthjellime dhe vranësira në zhvillim. Në orët e mesditës dhe pasdites përgjatë ultësirës perëndimore dhe zonave malore vranësirat do të shoqërohen me reshje shiu me intensitet të ulët, lokalisht mesatar, në intervale të shkurtra kohore reshje shiu në formën e shtrëngatave.

Dita e mërkurë parashikohet të jetë me vranësira dhe intervale kthjellimesh. Reshje shiu që në orët e para të mëngjesit përgjatë vijës bregdetare, gradualisht pas orëve të mesditës reshjet e shiut do të shtrihen në pjesën më të madhe të vendit. Hera-herës reshjet pritet të jenë në formën e shtrëngatave afatshkurtra.

Diat e enjte parashikohet të jetë me kthjellime dhe vranësira në zhvillim, të cilat përgjatë relieveve malore të vendit në orët e mesditës dhe pasdites do të pasohen nga reshje shiu.

Dita e premte parashikohet të ketë mot me kthjellime dhe vranësira kalimtare.

Spektakli i sotëm ka sjellë emocione të forta për katër finalistët. Ne podin final është përballur Egla Ceno dhe Julian Deda.

Falë votave të publikut, fituesja e tretë e edicionit të tretë të Big Brother Vip është Egla Ceno.

Egla Ceno është fituese e edicionit të tretë të Big Brother Albania VIP, me banoren që bëhet kështu dhe fituese e Çmimit të Madh prej 100 mijë eurosh.

View this post on Instagram

A post shared by Big Brother Alb VIP Edition (@bigbrotheralb_vip)

Detaje të reja janë zbuluar nga vetëvrasja e efektives së policisë, pasditen e djeshme në kryeqytet.

Gazetarja e Top Channel, Dorjana Bezat, mëson rreth mesazhit të dërguar për herë të fundit nga e reja, përpara se të merrte aktin e rëndë.

“Kur të vish derën po ta lë të hapur, zoti të ruajt”, i ka shkruajtur e reja të dashurit të saj, i cili është vënë në prangat e policisë.

Sipas informacioneve, menjëherë sapo i dashuri e ka gjetur të pajetë 21-vjeçaren, ka marrë telefonin dhe ka fshirë mesazhet.

I arrestuari dyshohet si shkaktari i vetëvrasjes, për këtë arsye është vënë në pranga. Ndërkohë që dyshohet se ata kanë pasur konflikt normal në çift.

21-vjeçarja Aldorjana Loshi, efektive në komisariatin nr.5 në Kamëz i dha fund jetës me një plumb në gjoks me armën e shërbimit.

Dyshohet se ajo ishte e vetme në shtëpi kur i dha fund jetës jetës, ndërsa është dashur ndërhyrja e forcave zjarrfikëse për të hapur derën e banesës së saj.

E reja me origjinë nga Klosi i Mirditës jetonte e vetme në rrugën “Ali Demi” në Tiranë dhe prej një viti e gjysmë punonte në komisariatin nr.5 si patrullë e përgjithshme. Efektivja nuk e kishte babanë, ndërsa la pas nënën dhe një vëlla më të vogël.

Detaje të reja kanë dalë nga ngjarja e rëndë që ndodhi sot në Tiranë, ku një efktive policie i ka dhënë fund jetës. Mësohet se efektivja quhet Aldorjana Loshi dhe ishte vetëm 21 vjeçe.

Po ashtu mësohet se në rrjetet sociale ajo shkruante se babai është dashuria e parë e një vajze dhe se do e gjej forcën në dhimbje.

“Babai është dashuria e parë e çdo vajze. Do e gjeje forcën në dhimbje”, shkruante efektivja e Loshi në rrjetet sociale.

Në momentin që kreu aktin, e reja ndodhej vetëm në banesë në zonën e Ali Demit. Ndërkohë që detyrën e saj e ushtronte në komisariatin numër 5 në Kamëz.

Bëhet me dije se pas të shtënave, kanë ndërhyrë zjarrfikësit, të cilët me forcë kanë hapur derën dhe kanë bërë të mundur të futën në skenën e krimit.

Sipas sinoptikanes Rezarta Xhakollari ne 24 oret e ardhshme do te kemi nje mot kryesisht te qendrueshem, megjithate pas ores 16:00 nuk perjashtohet te kemi reshje shiu te izoluara kryesisht në zonat malore. Temperaturat kane pesuar nje renie duke bërë që vendi të jetë me i freskët.

Edhe për ditën e nesërme, të premten pritet e njejta situate.

Ndersa per fundjaven na pret nje mot vjeshte jo te favorshme per det, sidomos sidomos dita e diele pritet me reshje shiu dhe stuhi dhe renie temperaturash. Edhe pse me pas do te kemi nje permiresim, ende nuk do te kemi nje situate per te pushuar ne det deri te pakten ne javen e dyte te qershorit.

Kjo javë do të jetë dinamike përsa i përket kushteve atmosferike, duke sjellë temperatura të larta, prezencë të rrezatimit diellor si dhe reshje shiu që do të vijnë në disa zona në formën e rrebesheve. Në një lidhje direkte për Klan News, sinoptikanja Lajda Porja nga “MeteoAlb” thotë se deri ditën e premte moti mbetet i paqëndrueshëm.

Lajda Porja: Kjo javë do t’i ketë të gjitha. Do të jetë dinamike, së pari kemi ende qarkullimin e masave ajrore nga veriu i Afrikës duke sjellë temperatura të larta, ku edhe sot presim edhe mbi 30 gradë në disa zona të izoluara. Pjesa më e madhe e bregdetit do të jetë rreth vlerës 28-29 gradë. Temperatura shumë të larta janë edhe vlerat minimale që luhaten nga 9 deri në 16 apo 17 gradë.

Ndërkohë parashikohet që moti, edhe pse ka nisur me kthjellime në një pjesë të mirë të territorit, të jenë paraditet pothuajse çdo ditë me diell, relativisht të nxehta. Pas mesditës, presim grumbullim të vranësirave duke sjellë reshje shiu, ku nuk do të mungojnë rrebeshet, ministuhi shiu në zonat malore dhe kryesisht është verilindja dhe juglindja që do të rrezikohen. Sot edhe nesër rrezikohen dhe disa zona qëndrore.

Pjesa juglindore e Tiranës, kryesisht zona e Dajtit, rrezikohet qarku i Elbasanit ku do të ketë edhe rrebeshe shiu pas mesditës. Reshjet në pjesën e dytë të ditës do të jenë të përkohshme, zgjasin jo më shumë se 2 orë dhe më pas kemi kthjellime.

Deri ditën e premte, moti mbetet i paqëndrueshëm, nuk kemi një diell që do të jetë totalisht i qartë apo i kthjellët. Së pari është prezenca e Saharasë, së dyti janë vranësirat e shpeshta që bënë që edhe pse temperaturat janë shumë të larta, nuk kemi rrezatim total të diellit, por kemi vranësira të shpeshta. Nga e mërkura e deri të premten presim që të kemi temperatura që do të jenë graduale, duke bërë që t’i rikthehemi temperaturave më normale pranverore. Nga 31 gradë që presim nga e hëna dhe e marta, parashikohen që të enjten dhe të premten të jemi në vlerën 26 apo 27 gradë. Kjo javë do të jetë një javë tipike pranvere.

Dy aksidente tragjike në natën mes të shtunës dhe të dielës iu kanë marrë jetën 4 të rinjve në Itali.

Aksidenti i parë u regjistrua në komunën Villa Literno ku dy makina u përplasën kokë më kokë, duke lënë të vdekur në vendngjarje 3 të rinj.

Mes viktimave ishte një 20 vjeçare nga Aversa, teksa dy të rinjtë e tjerë ishin nga Rumania dhe Ukraina. Nga përplasja mbetën të lënduar rëndë dhe tre persona të tjerë.

Në ngjarjen tjetër, makina ku udhëtonin të rinjtë në Kazerta u rrotullua disa herë në mes të rrugës, dhe trupi i viktimës u gjet nga ekipet e ndihmës së shpejtë jashtë mjetit.

Një ngjarje e rëndë ka ndodhur në Lushnje këtë të Dielë. Një 82 vjeçar i ka dhënë fund jetës pasi ka plagosur me armë gjahu vajzën e tij 40 vjeçare.

Mësohet se kjo e fundit ndodhet në spital në gjendje të rëndë shëndetësore pasi ka marrë plagë në bark. Siç raporton gazetarja e Klan News Anila Sefa, bëhet fjalë për Behar dhe Rudina Musaku.

Mësohet se 40 vjeçarja ishte divorcuar para 3 vitesh dhe është nënë e dy fëmijëve. Siç mësohet, ajo kishte shkuar te i ati për vizitë. Ende nuk dihet motivi.

“Rreth orës 15:15, në lagjen “18 Tetori”, Lushnjë, shtetasi B. M., rreth 82 vjeç, dyshohet se pas një konflikti të çastit, ka plagosur me armë gjahu të cilën e dispononte me leje, vajzën e tij, shtetasen R. M., rreth 40 vjeçe, dhe më pas dyshohet se  ka vrarë veten.  Shtetasja R. M., ndodhet në spitalin e Lushnjës, në kujdesin e mjekëve, në gjëndje të rëndë shëndetësore. Grupi hetimor vijon punën për sqarimin e rrethanave, dhe dokumentimin e plotë ligjor të këtij rasti”, thotë Policia.