Dy trena të linjës hekurudhore Bologna-Rimini, janë përplasur në zonën e Ravenna-s në Itali.Sipas informacioneve paraprake 17 persona kanë mbetur të plagosur.Mediat italiane raportojnë se zjarrfikësit kanë ndërhyrë menjëherë me ekipe nga Ravenna dhe Forlì.Ndërsa trafiku i trenave është pezulluar midis Castel Bolognese dhe Forlì.
Shaban Murseli, babai i Naim Murselit, i dyshuar për vrasjen e bashkëshortes së tij Liridona Ademajt, ka konfirmuar se e ka takuar djalin e tij në Burgun e Sigurisë së Lartë ku ai ndodhet pas arrestimit.Takimi mes tyre, sipas Shaban Murselit, ka ndodhur gjatë ditës së premte, ndërsa shton se se djali i tij i kishte thënë se nuk ka gisht në vrasjen e Liridonës.
“Sipas fjalëve të tij që i kam marrë, Naimi as nuk ka paguar 30 mijë euro, as nuk ka blerë armë dhe as nuk e ka ditë për vrasjen atë natë”, tha Shaban Murseli.
Liridona Murseli, 30-vjeçare, është vrarë të mërkurën, më 29 nëntor, në rrugën “Dalip Alshiqi” në Prishtinë. Fillimisht, Policia e Kosovës, e ka raportuar rastin si “grabitje me pasoja të vrasjes”.Në pranga për ngjarjen kanë rënë Naim Murseli, personi që dyshohet se ka paguar për vrasjen, Granit Plava, vrasësi i dyshuar i Liridonës, Kushtrim Kokalla si organizator i dyshuar i planit të vrasjes dhe personi i fundit i arrestuar pasditen e djeshme, Tomë Dedaj, i cili dyshohet se i ka shitur armën e krimit Naim Murselit.
Xhejson Bafti i njohur ndryshe si Taramelja ishte i ftuar ne emisionin Zgjohu me Mcn ku tregoi per jeten e tij dhe endrrat per te ardhmen. Tashme nje djale i rritur dhe i artikuluar, ai u shpreh se i pelqen gazetaria por se ka prirje dhe ne psikologji. Ai tregoi se Alketen e uron per cdo feste dhe se edhe ajo ndonjehere i pergjigjet..Ai u shpreh se eshte i hapur per bashkepunime ne televizion duke thene se po e ftuan eshte gati..Me poshete video:
Janë publikuar video ku shihet momenti kur Naim Murseli dhe Liridona Ademaj hyjnë në një restorant natën ku ajo u vra. Video e publikuar nga Sinjali paraqet Naimin dhe Liridonen me dy fëmijët e tyre duke hyrë në restorant. Këto pamje të kamerave të sigurisë të restorantit ku kanë darkuar të dyshuarit dhe viktima, tashmë janë duke u përdorur si prova nga shteti në procesin e hetimeve për vrasjen e Liridonës.
Vajzat dhe gratë po vazhdojnë të jenë viktimat më të shpeshta të dhunës në familje, ngacmimeve e sulmeve seksuale. Raste të tilla ndodhin edhe në hapësira publike, lokale, vende të ndryshme të punës, çka po ngrit shqetësim se kështu po cenohet siguria. Viktima të këtyre rasteve shumë shpesh janë edhe të miturat, të cilat përballen me ngacmues, raporton Gazeta Sinjali.
Një rast i tillë ka ndodhur së fundmi në fshatin Letanc të Podujevës, ku një 14-vjeçare dyshohet se është ngacmuar seksualisht nga dy persona.
Dy të dyshuarit tashmë ndodhen tashmë nën masën e ndalimit policor.
Burimet nga Prokuroria kanë bërë me dije se rasti u zbulua pas publikimit të disa pamjeve në rrjete sociale, ku shihen dy persona, teksa e zhveshin viktimën dhe më pas e filmojnë, pamje këto që janë shpërndarë më pas.
Hetuesit policorë, kanë arritur që t’i identifikojnë të dyshuarit, një 18 dhe një 19-vjeçar, të cilët janë arrestuar dhe shoqëruar në stacion policor.
Pas mbledhjes së informacioneve dhe dëshmive të të dy palëve, Prokurori i Shtetit ka urdhëruar që të dyshuarit të ndalohen nën dyshimet se kanë kryer veprat penale ‘Ngacmim seksual’ dhe ‘Fotografimi dhe incizimet tjera të paautorizuara’.
Ndryshe, sipas Kodit Penal të Republikës së Kosovës, kushdo që ngacmon seksualisht personin tjetër, në veçanti personin i cili është i ndjeshëm për shkak të moshës, sëmundjes, paaftësisë, varësisë, shtatzënisë, paaftësisë së rëndë fizike apo mendore, dënohet me gjobë ose me burgim deri në tri (3) vjet. /GazetaSinjali/
Ai ka zgjuar kureshtjen e të gjithë shqiptarëve me prezantimin e formulës “magjike” mbi shërimin e disa sëmundjeve pa ilaçe dhe të jetuarit deri në 140 vjeç, duke u ushqyer shëndetshëm dhe duke medituar.Madje, disa pacientë të tij kanë dëshmuar që ai i ka shëruar për një kohë fare të shkurtër. Por për të treguar më shumë se si të ushqehemi shëndetshëm, Hetem Ramadani ishte sot në emisionin “Rudina” në Tv Klan.Gjatë emisionit, përmes një inserti Ramadani rrëfeu se cilat janë ushqimet që duhet të mbajmë dhe ato që duhet të heqim nga frigoriferi.“Nëse ushqehemi në mëngjes me ushqim të shëndetshëm dhe pasdite me ushqim të pashëndetshëm atëherë në trupin tonë dominon ushqimi me të cilin nuk duhet të ushqehemi.Për mua ushqimi ndahet në ushqim inteligjent dhe ushqim “budalla” dhe që duhet ta largojmë nga frigoriferi janë:-Duke filluar nga lëngjet e frutave, frutat Zoti i ka bërë për t’i ngrënë dhe jo për t’i pirë.-Majoneza duhet të hiqet, përmbanë elementë që i bëjnë dëm trupit të njeriut dhe duhet të hidhet.-Ketchup dhe mustarda e bëjnë trupin të varur dhe duhen hedhur.-Salca po ashtu përmban konservantë.-Veza nëse është bërë nga pula që nuk e kanë parë diellin dhe që nuk janë ushqyer në mënyrë natyrale atëherë nuk duhet të konsumohet.-Edhe reçeli nuk duhet të konsumohet.-Edhe kosi jo natyral nuk duhet konsumuar.-Margarina nuk duhet konsumuar.-Qumështi po ashtu është laktozë, sheqer dhe burim i kancerit.-Asnjëherë në shtëpinë tuaj mos blini torta apo kekë të gatshëm.-Djathi i lopës me plastikë nuk duhet konsumuar.-Pulat hormonale janë burim kanceri, nuk duhen konsumuar.Ushqimet që duhet të konsumojmë:-Gjalpi nëse është natyral mund të konsumohet.-Uji është burimi i jetës dhe duhet konsumuar.-Frutat duhen konsumuar, por mos i mbani në frigorifer.-Karrota po ashtu është shumë e mirë për t’u konsumuar, por nuk duhet të qëndrojë në frigorifer.-Domatet janë shumë të mira, por kur konsumohen duhet t’i heqim lëkurën dhe farat.-Specat po ashtu janë shumë të mira.-Lakra-Lulelakra-Brokoli-Sallata jeshile-Spinaqi-Preshi-Qepa e kuqe-Erëzat-Majdanozi-Boronica është shumë e mirë-Mëlçia duhet të qëndrojë në frigorifer.-Sardelet janë shumë të mira, është mirë të konsumohen 3-4 herë në javë.-Mishi nëse është bio është shumë i mirë.Ramadani po ashtu tha se “formula magjike” për një jetë të shëndetshme është konsumi i ushqimit “inteligjet” siç e quan ai dhe kombinimi i tij me aktivitet fizik dhe meditim.“Prej shumë vitesh unë kam studiuar dhe tani dua të shkruaj një libër, por pa rezultate konkrete dhe pa njerëz të tjerë përveç rrethit të ngushtë. Këtë vit kam filluar të pranoj njerëz të cilët mund t’i këshilloj për lloje të ndryshme sëmundjesh si diabeti, kanceri, migrena. Të gjitha sëmundjet mund të shërohen, nuk i shëroj unë, por trupi i gjithsecilit që ka intiligjencë poteciale brenda tij. Kurse oferta ime i stimulon inteligjencën për t’i shëruar dhe baza është ushqimi, meditimi dhe aktiviteti fizik.“Formula magjike” në fakt nuk është magjike sepse e kam bërë disa herë publike, është ushqimi. Nëse hamë ushqim të ashtuquajtur inteligjent që nuk mund të prodhohet nga mendja e kufizuar shkencore atëherë mund të kemi rezultate. Të gjithë mjekët thonë: “Ne e menaxhojmë sëmundjen, nuk e kurojmë”. Kurse teoria ime, por që nuk është vetëm e imja është që sëmundjet mund të kurohen me anë të inteligjencës së ushqimit, meditimit etj. Është më komplekse. Kanë filluar të vijnë tek unë qindra njerëz, më shumë nga ç’mund të bërballoj, ndaj edhe unë kam vendosur të shkruaj librin me rezultate për diabetin e tipit 1 dhe 2. Më vonë do të shkruaj për sëmundjet kardiovaskulare, kancerin dhe kështu me radhë për t’i ardhur në ndihmë njerëzve në nevojë. Mjekësinë alternative e kam marrë si mision për të ndihmuar të tjerët, kurse bizneset ia kam lënë në dorë dikujt tjetër. Kur kam shkruar librin e parë para 7-8 vitesh, në Shqipëri në fillim u përqesh, kurse sot është bërë fjalë normale meditimi. Kështu fillon”, tha Ramadani./tvklan.al
Ne instagramin e Liridona Ademaj- Murseli shikohet nje dedikim qe Liridona ka bere per bashkeshortin e saj.
Ajo ka shkruar se ‘Burri im është gjithçka’, ky eshte dedikimi i saj qe tregon se ajo e donte shume Naimin.
Por Naimi i mori jeten bashkeshortes se tij duke paguar 30 mij eruo per te vrare gruan e tij.Ngjarja tragjike ndodhi të mërkurën, 29 nëntor, rreth orës 20:20 në rrugën “Dalip Alshiqi” në Prishtinë.Kjo ngjarje ka tronditur te gjithe opinionin publik se si nje bashkeshort te beje kete gje ndaj gruas se tij me dy femije.
Gazetari Igli Çelmeta tha në një intervistë për Euronews Albania se bashkëshorti vrasës i Liridona Ademajt, e ka mbajtur këtë të fundit në presion që prej vitit 2019 për shkak të sekreteve të mëdha që ajo dinte.
Sipas Çelmetës, Liridona ka qenë në dijeni të njohjeve dhe lidhjeve të Naim Murselit me politikanë dhe biznesmenë të fuqishëm, lidhje të cilat sipas tij nuk kanë qenë vetëm në aspektin financiar.
“Bashkëshorti i Liridonës ka dritë-hije të shumta. Ai ka pasur një jetë luksoze dhe të shfrenuar. Ai kishte deklaruar në Kosovë se kishte të ardhura vetëm 15 mijë euro në vit. Kam informacione që ai merrej me tregti të paligjshme, ai merrej me tregti të sendeve me vlerë siç janë florinjtë dhe diamantët nga Afrika e Jugut dhe i tregtonin në europë.
Se për llogari të kujt, kjo duhet të zbulohet nga autoritetet. Po hetohet edhe në Suedi për këtë, ndërsa nuk dihet nëse ka pasur shtrirje edhe në Kosovë. Mënyra se si ky jetonte, lidhjet që kishte me biznesmenë dhe politikanë, krijuan edhe probleme me bashkëshorten e tij. Ajo në 31 janar të 2019 ka bërë kërkesë për divorc, që më pas nuk vijoi më.
Liridona është mbajtur nën presion nga Naim Murseli, për gjërat sekrete që ajo dinte. Ajo dinte sekrete të mëdha. Ka ditur lidhje me figura politike, me biznesmenë të fuqishëm, por jo vetëm lidhje financiare, por edhe lidhje të tjera të cilat nuk më takojnë mua ti them”,-tha Çelmeta.
Është ndarë nga jeta në moshën 75-vjeçare aktori i mirënjohur, Mirush Kabashi. Lajmin e kanë bërë të ditur familjarët e tij, të cilët nëpërmjet një njoftimi bëjnë me dije se Kabashi ka mbyllur sytë mesnatën e sotme. “Të nderuar Miq, Kolegë dhe Dashamirës, me pikëllim të thellë ju njoftojmë se MIRUSH KABASHI ndërroj jetë të Martën, në datë 5 Dhjetor pas mesnate. Përsa i përket detajeve të ditës, orës së varrimit dhe homazheve do ju komunikojmë në orët në vazhdim.Me Respekt, Familja Kabashi!”, thuhet në njoftim.Mirush Kabashi lindi më 17 prill 1948 në Shkodër dhe është rritur në Durrës. Është një aktor shqiptar. Origjina e tij është nga Gjakova. Ai është aktor i rreth 100 roleve, në teatër dhe filma. Shpesh ka qenë edhe prezantues i aktiviteteve të shumta artistike.Gjithashtu, Kabashi është cilësuar si një nga interpretuesit më të mëdhenj të poezisë në Shqipëri. Ai ka dhënë një kontribut të madh në filmografinë shqiptare.E ndërsa një pjesë të jetës së tij ia ka kushtuar edhe teatrit me rolet e tij të larmishme, ku ndër to më i veçanti ka mbetur ai i Sokratit tek “Apollogjia e fundit e Sokratit”. Që prej vitit 2014 mbante titullin e lartë “Nderi i Kombit”, më parë kishte titujt “Artist i Merituar” dhe “Mjeshtër i Madh i Punës”.
Gjermania ka nevojë për qindra mijëra punonjës, që nga ata të pakualifikuar, deri tek ata me diplomë universitare.
Republika Federale e Gjermanisë po miraton ligje duke iu përgjigjur nevojave dinamike të tregut të punës, e një prej tyre është “Ligji për zhvillimin e mëtejshëm të imigracionit të kualifikuar”, që nis të zbatohet që nga janari I vitit të ri 2024.
Emin Shini, ekspert për punësimin tha: “Nëse ti ke një përvojë të caktuar në një profesion, për të cilin Gjermania ka nevojë, një arsim profesional, jo universitet domosdoshmërisht, të lihet menjëherë takimi në Ambasadë dhe procedura e vizës është shumë e shpejtë. Ky është një lehtësim shumë i madh, pasi një nga problemet që ka sot sistemi gjerman është vështirësia për të lënë një takim, sepse bëhet me një short.
Ligji parashikon edhe Kartën Blu sipas të cilës, një punonjës i kualifikuar apo edhe i pakualifikuar, mund të udhëtojë për Gjermani dhe ka të drejtë nëpërmjet Kartës Blu të qëndrojë atje deri në 1 vit. Brenda kësaj periudhe ka të drejtë të punojë 20 orë në javë, pra një punë part-time. Por në momentin që gjen një punë fikse, me kohë të plotë, procedurat për lejen e qëndrimit bëhen atje, pra në Gjermani nuk është nevoja të vijë në Shqipëri.
Ky ligj është lajm i mirë për Gjermaninë, por është një lajm i keq për Shqipërinë, për tregun tonë të punës. Me këtë ligj Gjermani prek të tre kategoritë kryesore të fuqisë punëtore, pa përjashtim. Këtu përfshihen punëtorët e pakualifikuar, punonjësit që kanë kualifikim profesional, por edhe punonjësit e kualifikuar, me universitet. Parashikohet që ikja e fuqisë punëtore të jetë akoma më e madhe. Ne edhe kështu siç jemi në këtë moment kemi shumë probleme. Por kjo do ta thellojë më shumë problemin vendas për forcë punëtore.”
This website uses cookies to improve your experience. We'll assume you're ok with this, but you can opt-out if you wish. Accept Read More
