Nga 5 Shkurti, çmimi i patentave do të ndryshojë. Lajmin e bën të ditur Drejtoria e Përgjithshme e Shërbimeve të Transportit Rrugor, e cila thotë se është bërë rishikimi dhe indeksimi i të gjithë tarifave dhe shërbimeve.

“Nga një analizë e hollësishme rezulton se shtrirja e këtyre shërbimeve në afate kohore, duke eliminuar detyrimin e paraqitjes në sportel, lehtësimin e kalimit nga një kategori në një tjetër, si dhe uljen e shpenzimeve indirekte (përllogaritur këtu në 7,569,450 kilometra vajtje/ardhje, 529,862 litra karburant, 12,616 ditë pune/vit kohë e shpenzuar), nuk mund të konsiderohet si rritje tarifash, por përkundrazi rezulton një kursim mesatar prej 4,170 lekë për qytetar në vit”, thotë DPSHTRR, ndërsa thekson se nga ndryshimi i këtyre tarifave përfitojnë 189,179 qytetarë.Më poshtë gjeni ndryshimet të publikuara nga Drejtoria e Transportit Rrugor:• Tarifa e pajisjes me leje drejtimi me afat vlefshmërie 10 vite, nga 3,500 lekë bëhet 4,500 lekë, por afati tashmë zgjatet në 15 vite. Tarifa e re prej 4,500 lekë, e shpërndarë në vite, nga 350 lekë/viti bëhet 300 lekë/viti!• Tarifa e pajisjes me leje drejtimi për grupmoshën mbi 65 vjeç, me afat vlefshmërie 5 vite, nga 3,500 lekë, tashmë bëhet 2,000 lekë, me afat vlefshmërie 15 vite!• Tarifa e pajisjes me Leje Drejtimi Ndërkombëtare me afat vlefshmërie 1 vit nga 500 lekë që ishte, kalon në 1,000 lekë, me një afat vlefshmërie 3-vjeçare. Tarifa e re prej 1,000 lekë, e shpërndarë në vite, nga 500 lekë/vit bëhet 333 lekë/vit!• Kalimi nga Leje Drejtimi e Kategorisë B në D/D1, pa qenë i detyrueshëm kalimi në kategorinë C, nga 2,200 lekë, bëhet 0, pasi është eleminuar testimi për kategorinë C!Nga ndryshimi i këtyre tarifave përfitojnë 189,179 qytetarë, duke ju kursyer mesatarisht 788,792,150 lekë/vit. (7,7 milionë Euro).Ky vendim, për ndryshimin e tarifave për shërbimin e lejeve të drejtimit, hyn në fuqi më datë 5 Shkurt 2024 dhe do të pasqyrohen në faqen zyrtare www.dpshtrr.gov.al.

Xhensila dhe Besi janë nje nga ciftet me te dashur te showbizit shqiptar por ata jane vënë sërish në qendër të vëmendjes për një krisje të mundshme në çift.

Para pak kohësh ata janë aluduar për krisje të marrëdhënies së tyre, madje u tha se Xhensila ishte larguar nga shtëpia ama këte ishte Besi ai që i mohoi.

Ditën e sotme është vënë re se Xhensila dhe Besi nuk e ndjekin më njëri-tjetrin në rrjete sociale dhe kjo duket se është një shenjë që tregon se marrëdhënie e tyre është në krizë.

Një ‘unfollow’ nuk është mjaftueshëm për të thënë se martesa e tyre po shkon drejt divorcit, por të dy janë vënë re se kanë mjaft kohë pa postuar foto nga momentet që kalojnë ose udhëtime me njëri-tjetrin dhe kjo gjë shkon akoma dyshimet.

Ama një tjetër detaj duket se na ka kaluar pa u kuptuar nga postimi i fundit i Xhensilës.

Së fundmi këngëtarja ka publikuar këngën e saj të re, e cila është një baladë dashurie dhe titullohet “Zemër e helmuar”.

Ajo ka postuar në Instagram një pjesë nga kënga e re, ku shkrimi në të duklet se tashmë merr kuptim, pasi ka treguar se tani është një fillim i ri për të.

Edhe pse kjo mund të jetë marrë si një fillim i ri në karrierën e saj muzikore, kjo nuk është hera e parë që Xhensila publikon balada dashurie.

“Fillimi im i ri…
Për gjithë të dashuruarit, për gjithë të zhgënjyerit, për gjithë ata që ëndërrojnë dhe vazhdojnë duan dhe pse helmohen…” 

Një ngjare e rëndë ka ndodhur në Shtetet e Bashkuara të Amerikës, ku një shqiptar ka vrarë me armë zjarri gruan e tij, ndërsa ka rrëmbyer vajzën.

Sipas mediave amerikane bëhet fjalë për shtetasin Renato Muhaj 34 vjeç, i cili vrau gruan Suela Saliaj, ndërsa policia shpëtoi vajzën 8-vjeçare e cila ishte rrëmbyer.

Sipas mediave amerikane ngjarja e rëndë ndodhi rreth orës 2:44 të mëngjesit të së hënës, kur policia e Clearwater mori njoftimin.

Policia thotë se Muhaj i ka goditur të dy prindërit e tij dhe ua ka marrë celularët në mënyrë që ata të mos telefonojnë 911. Të dy prindërit janë trajtuar në spitalin Morton Plant pas incidentit.

A është fëmija im autik? Logopedi Spiro Saqellari flet për shkaqet dhe shenjat e një fëmije me këtë çrregullim. Si prind ju nuk do të besoni kurrë se fëmija juaj ka një problem. Por kur bëhet fjalë për autizmin, zbulimi i hershëm, idealisht përpara moshës 18-muajshe bën një diferencë të madhe.

Autizmi është një spektrum i çrregullimeve, shfaqet në infancë dhe fëmijëri të hershme duke shkaktuar vonesa në zona bazike të zhvillimit si të mësuarit të ecë, luajë apo ndërveprojë me të tjerë. Shenjat dhe simptomat e autizmit variojnë po ashtu dhe efektet. Disa fëmijë me autizëm kanë çrregullime mesatare, ndërkohë të tjerë probleme më të mëdha për të kaluar.

Por çdo fëmijë në spektrin autik ka problem, në këto tre fusha: Komunikimi verbal dhe jo verbal; Ndërveprimi me të tjerë dhe botën jashtë dhe Mendimi dhe sjellja fleksibël. Logopedi dhe njëkohësisht specialisti i autizmit, Spiro Saqellari tregoi disa nga shenjat më dalluese të një fëmije autik si dhe u ndal në një tjetër problematikë “autizmin virtual” duke bërë një apel për të gjithë prindërit për largimin e telefonit nga duart e fëmijëve si dhe qëndrimin në një kohë sa më të vogël para ekranit të televizorit,

“Prindër largoni fëmijët nga ekrani i televizorit dhe smartfonët në duar, pasi po dëmtojnë rëndë fëmijët tuaj, duke sjellë jo pak çrregullime në shëndetin e tyre” ishte apeli i specialistit.

Sot, më 29 janar 2024, dollari amerikan blihet me 95.4 lekë dhe shitet me 96.3 lekë.

Euro blihet me 103.6 lekë dhe shitet 104.2 lekë.

Paundi britanik sot blihet me 120.9 lekë dhe shitet me 122 lekë.

Franga zvicerane këmbehet sot në blerje me 110.1 lekë, ndërsa në shitje me 111.1 lekë.

Dollari kanadez sot në blerje këmbehet me 70.7 lekë dhe në shitje me 71.7 lekë.

Më poshtë po sjellim të dhënat e këmbimit valutor, për të gjitha monedhat e huaja:

Një grua 30-vjeçare tha se uli në mënyrë drastike bakshishin e majme që i la një kamariereje, pas një debati “të pakëndshëm” në një restorant. Përdoruesja e Reddit, OttoBonz, bëri një postim, duke shkruar se ajo la 200 euro në tavolinë për një faturë 46 euro, në fillim të këtij muaji: duke dhuruar një bakshish bujare prej 154 euro.

Gruaja e përshkroi kamerieren e re 20 vjecare si “një vajzë të mirë”, “Lashë paratë në tavolinë pasi fatura mbërriti dhe, duke mos pasur nevojë për kusur, u ngritëm dhe u larguam”, shkroi përdoruesi në Reddit, fjalë të cilat më vonë u bënë jehonë nga New York Post shkruan shqiptari.net.

Skena e turpshme

“Kamerierja na ndoqi deri te dera dhe na tha me shumë inat se duhej të paguanim dhe se nuk mund të iknim pa paguar faturën. E pyeta nëse kishte parë tavolinën dhe, natyrisht, ajo tha që nuk e kishte parë”, vazhdoi gruaja.

Në vend që ta linte të shkonte, gruaja donte të jepte një shembull për kamarieren e re. “U ktheva në tavolinën tonë me të, mora 200 euro dhe i zëvendësova me 50”, shpjegoi ajo. “Mjaftonin për të paguar faturën dhe për të lënë një bakshish të vogël. I thashë se do ta vlerësoja nëse ajo do të kishte parë tavolinën së pari ose do të na kishte ndaluar me një pyetje në vend që të supozonim se donim të iknim pa paguar,” shtoi ajo.

Komentet

Kamerierja “u duk e turpëruar dhe ne u larguam”, shkroi gruaja, duke shtuar se burri i saj nuk pranoi të merrte bakshishin. “Për mua – shpjegoi ajo – ajo mund ta kishte trajtuar më mirë të gjithë situatën dhe nuk më pëlqente të më thoshin se jam hajdute”, shpjegoi përdoruesja e rrjetit social Reddit.

“Vajza sapo mori një leksion se si të mos trajtohen klientët. Shpresojmë të jetë e dobishme për të ardhmen”, ka komentuar një përdorues nën postim. “Njerëzit shpesh paguajnë me para në dorë. Nuk e kuptoj pse mendoi se të të ndiqte pa e kontrolluar tavolinen ishte një ide e mirë,” tha një tjetër.

Ju si do te kishit vepruar?

Patricia Lefranc kujton zilen e derës që ra më 1 Dhjetor të vitit  2009. Një burrë qëndronte pas derës së shtëpisë së saj. I tha se i kishin dërguar një pako dhe teksa vendos ta mirëpresë  ai i hedh menjëherë një lëng në fytyrë që bën që ajo të bjerë menjëherë në tokë.

Ishte një sulm me acid. Sot 59-vjeçarja qëndron e ulur në shtëpinë e saj në qytetin belg të Nivelles, dhe hedh një sy mbi këtë libër me fotografi të saj të shkrepura nga fotografi i njohur Rankin.

Në njërën, ajo mban një foto të saj para sulmit  me acid vitit 2009 nga ish-partneri i saj me të cilin i dha fund lidhjes për shkak se ai ishte i martuar. Të tjerë foto e shfaqin atë në poza të ndryshme pas asaj ngjarje të trishtë që i ndryshoi jetën tërësisht.

Patricia Lefranc: Kam mësuar ta shoh veten pas sulmit. Nëse do ta kisha parë këtë foto të vetes pesë apo gjashtë vjet më parë, do të isha përlotur. Por tani jam mësuar, do të tingëllojë pak e çuditshme kjo që do të them por, kam mësuar të jetoj me këtë shëmti. Kjo jam unë. Besoj se e kuptoni se çfarë dua të them?

Ish-partneri shkoi drejt saj, dhe e goditi kudo. Megjithatë ajo arriti të dilte jashtë nga shtëpia  dhe të kërkonte ndihmë. Lefranc kujton momentet e tmerrit.

Patricia Lefranc: Isha duke u zvarritur, nuk mund të ecja dhe pashë që krahu po më shkrihej si një aspirinë dhe i thashë vetes ‘Ti po vdes këtu’.

Ajo ra në koma për tre muaj, qëndroi e shtruar në spital për nëntë muaj të tjerë dhe i duhej të mësonte se si të jetonte përsëri.

Nëna e tre fëmijëve, fytyra dhe trupi i së cilës janë të mbushura me plagë të shumta i është nënshtruar mbi 100 operacioneve estetike.

Pas kësaj ngjarje të rëndë Lefranc gjeti një qëllim  të ri në jetën e saj të ndihmonte  të mbijetuarit e tjerë. Lefranc ka qenë e ftuar në emisione të ndryshme televizive, ka dhënë konferenca mbi dhunën e grave dhe ka marrë pjesë në një film dokumentar që bëri xhiron e botës.

Patricia Lefranc: Thjesht i thashë vetes: ‘Shiko, nëse je ende gjallë, kjo është për një arsye. Duhet të ketë një arsye.’ Edhe para asaj që ndodhi kam qenë e guximshme, kam qenë gjithmonë  e angazhuar dhe nuk kam dashur të rri e mbyllur në shtëpi dhe t’i jap kënaqësinë atij që më sulmoi duke qëndruar e mbyllur në shtëpi. Nuk doja t’i jepja atë kënaqësi.

59-vjeçarja shfaqet në një fushatë të re të nisur nga fotografi Rankin dhe organizata e bamirësisë Acid Survivors Trust International e cila kërkon të rrisë ndërgjegjësimin rreth efekteve shkatërruese të dhunës me acid.

Në një intervistë për agjencinë e lajmeve Reuters ajo vlerëson kontributin e fotografit të njohur.

Patricia Lefranc: Renkin merret me modelingun, të bukurën, të famshmit, pra ai realizon foto që kanë lidhje me këto. Fakti që ai realizon këto foto, pra që është dikush, le të themi, jashtë normës, që nuk e ka bukurinë dhe veshjet që ai fotografon normalisht dhe bën një gjest për të ndihmuar shoqatën ASTI, mendoj se është e shumë bukur,  pra që ai po ndihmon në një kauzë.

Duke folur për arsyen pse fushata është e rëndësishme, Rankin thotë:

“Ky portret më lejoi të jem një dritare për njerëzit që të shohin efektin që industria jonë mund të ketë tek njerëzit normalë, të zakonshëm. Dhe ka një fotografi brilante të Patricia-s aty brenda se si dukej ajo dikur, dhe një portret të   asaj që duket tani. Ky imazh në vetvete është i vetmi që vërtet duhet të shihni, sepse ka qenë shkatërrues për jetën e saj. Por në të njëjtën kohë, ajo ka qenë në gjendje të marrë atë  përvojë shkatërruese dhe ta kthejë atë në diçka tepër pozitive. Dhe unë jam shumë I prekur nga kjo.”

Fushata e re fotografit Rankin bën një lidhje midis përdorimeve legjitim e acidit në biznes dhe frekuencës së këtyre sulmeve me acid, veçanërisht në zonat ku industria e modës dhe tekstilit kërkojnë sasi të mëdha të acidit sulfurik.

Jaf Shah: Ne kemi bërë mjaft kërkime për dhunën me acid dhe kemi parë një lidhje midis industrisë së modës  dhe dhunës me acid. Dhe ajo që dinim ishte se zonat që u ndikuan nga dhuna me acid në vende të tilla si Bangladeshi, Kamboxhia, Pakistani janë ato zona ku një bazë të madhe të industrisë së modës.

Sulmet me acid shkaktojnë dëme të menjëhershme, shpërfytyrim, dhimbje dhe komplikime mjekësore afatgjata për viktimat si Lefranc.

Të paktën 10,000 sulme me acid ndodhin çdo vit në mbarë botën, por fakti që nuk flitet shumë për to mbetet një çështje  shumë e rëndësishme.

Sipas Daily Mail vetë qeveritë  në shumë vende nuk kanë të dhëna zyrtare të sulmeve me acid.

Izet Shulku, është 50-vjeçari i cili njihet nga të gjithë si “Tarzani i Dibrës”. Izeti është bërë i famshëm si një njeri ekstremesh e aventurash dhe për lidhjen e tij me natyrën.

Si çdo dimër, edhe këtë dimër, Izeti ka ndarë një videot e tij të guximshme duke u larë në temperaturat e acarta, mes ngricës e dëborës.

“Në -12 gradë. ju lutem të gjithëve mos më dërgoni video rusësh, unë jam Izet Shulku dhe sfidoj gjithë botën. Këpucët i kam veshur që mos të çaj këmbët. Kush do një jetë të shëndetshme të futet këtu pas meje”, dëgjohet të thotë Izeti..

Izeti rrëfen se si e nisi këtë sport ekstrem, të cilin thotë se nuk e ndërron me asgjë.

“Prej vitesh e vijon. Hobi im ishte stërvitja zhytja në borë në akull. Aty gjej kënaqësinë time shpirtërore. Më shumë flej nëpër male ndihem më i lumtur.

Një tjetër pasion i Tarzanit të Dibrës është ngjitja e maleve më të larta të vendit, në shi e në diell.

Tregon se është ngjitur qindra herë në malin e Korabit që është 2764 metra i lartë dhe ka qenë udhërrëfyes për shumë turistë që kanë dashur të vizitojnë majat mallet e Dibrës.

“E kam ngjitur mbi 20 herë malin e Korabit”

Izeti përveç sportit dhe pasionit për natyrën ka nje biznes të vetin lokal ky dhe aty e gjetëm që gatuan shumë mirë të gjitha ushqimet tradicionale të Dibrës.

Vlore/ Një ngjarje e rende është shënuar mesditën e sotme (27 janar 2024) në rrugën Transballkanike.

68 vjeçari, punonjës në ngarkim-shkarkim pranë sheshit të Omonias Vlorë ka pësuar infarkt në zemër teksa ishte duke ngarë kamionçinën.

68 vjeçari ka ndërruar jetë në vend ndërsa makina ka mbetur mes ndarjes së korsisë.

Paraprakisht dyshimet janë për goditje në zemër por është ekspertiza ajo që do vendos shkakun e vdekjes.

Nga informacionet paraprake i moshuari punonte cdo ditë pranë sheshit Omonia në ngarkim- shkarkim dhe transport mallrash.AH

Java e fundit e janarit do të jetë kryesisht me kushte të qëndrueshme atmosferike, të ftohta dhe të thata me origjinë veriore.

Sipas sinoptikanit Elvi Jahaj, gjatë fundjavës moti do të jetë kryesisht i kthjellët në të gjithë territorin.Në fundjavë do të ketë kushte atmosferike të qëndrueshme, dhe mort të kthjellët në të gjithë territorin. Temperaturat pritet të kapin vlerat miniimale -5 dhe-6 gradë Celsius dhe ato të ulëta dhe bregdetare 0 dhe 2 gradë Celsius.Javën e ardhshme vendi ynë do të ndikohet nga kushte të qëndrueshme atmosferike, moti parashikohet i kthjellët dhe me vranësira kalimtare. Në relievet malore temperaturat minimale do të jenë -12 gradë celsius, ndërsa ato bregdetare -5 gradë celsius.Era do të jetë kryesisht e lehtë, me shpejtësi të lehtë. Por përgjatë këtyre ditëve do të jetë më intensive.