Në tregun e këmbimit valutor sot një dollar amerikan do të blihet me 92.3 lekë dhe do të shitet me 93.4 lekë.

Monedha evropiane euro do të blihet me 101.5 lekë dhe do të shitet me 102.9 lekë, ndërsa franga zvicerane do të blihet me 105 lekë dhe do të shitet me 107.2 lekë.

Ndërkohë paundi britanik do të blihet me 117.7 lekë dhe do të shitet me 120 lekë.

“Ajo po ulërinte, siç bënte gjithmonë, më pas nuk mbaj mend asgjë”. Janë këto fjalët e Ilir Zyba Shehit, 48-vjeçarit shqiptar i cili mbrëmjen e së premtes vrau fqinjen e tij 63-vjeçare Mara Fait, pas disa vite sherresh e tensionesh që lidheshin me jetesën në të njëjtën godinë. Paraditen e kësaj të hëne, 48-vjeçari doli para hetuesve të Rovereto për t’u marrë në pyetje. Sipas asaj që shkruajnë mediat fqinje, e gjithë dëshmia e tij ishte në lot, për shkak të pendesës së thellë që ai ka shfaqur për krimin e rëndë.

Shehi pranoi raportin e vështirë me fqinjen e shtëpisë, më pas episodin tragjik të së premtes. Gjithçka ndodhi rreth orës 20:00 të mbrëmjes, kur shqiptari me sytë e errësuar e goditi gruan me sëpatën që po përdorte për të bërë punë rreth shtëpisë

Megjithatë ende nuk ka detaje për rrethanat që çuan në vrasjen, për të cilën 48-vjeçari thotë se nuk mban mend asgjë. “M’u errësuan sytë”, ka përsëritur ai disa herë para autoriteteve. Ama mban mend mirë të gjitha denoncimet mes familjes së tij dhe atë të fqinjes. Në rastin e Shehit çështjet ishin mbyllur, ndërsa Mara Fait duhet të dilte para gjykatës pas disa muajsh, për akuzën e plagosjes së bashkëshortes së shqiptarit. Një seancë kjo, që sigurisht tashmë nuk do të mbahet.

Nga denoncimet mes dy fqinjëve të shtëpisë dalin fyerje, kërcënime, provokime, video të regjistruara me telefon për të provuar të drejtën e secilit, megjithatë tani akuza më e rëndë është ajo e vrasjes me dashje, që rëndon mbi 48-vjeçarin shqiptar./

Një 48-vjeçar shqiptar është arrestuar në Itali, pasi akuzohet për shfrytëzim prostitucioni.

Mediat italiane shkruajnë se shqiptari ishte i dënuar me 3 vite e 4 muaj burg, por kishte arritur të arratisej.

48-vjeçari joshte vajza nga Rusia dhe Ukrainë për t’i dërguar në Bolonja, duke i gënjyer se do u jepte mundësi që të bëheshin balerina. Por sapo vajzat dërgoheshin në Itali, ato shfrytëzoheshin për prostitucion. Denoncimi për shqiptarin ka ardhur nga një prej viktimave, e cila arriti të largohej prej grupit kriminal.

Aktualisht autori ndodhet në burgun e Croneos në Bolonja, në pritje të veprimeve të mëtejshme nga autoritetet italiane.

Një cilindër gjigant misterioz i zbuluar në një plazh australian është identifikuar si mbetje nga një raketë indiane, sipas zyrtarëve.

Objekti, i cili është rreth 2.5 metra i lartë, u gjet në një plazh pranë Green Head, tre orë në veri të Perthit.

Zyrtarët shtetërorë dhe federalë kanë kaluar gati dy javë duke u përpjekur të zbulojnë se cila ishte origjina e cilindrit gjigant metalik dhe nga erdhi ai.

Shumë fillimisht menduan se vinte nga hapësira?

Agjencia Australiane e Hapësirës megjithatë ka dalë me një përfundim duke thënë se objekti është “me shumë gjasa” mbeturina nga një “fazë e tretë e shpenzuar e një mjeti lëshues satelitor polar”.

Automjeti drejtohej nga Organizata Indiane e Kërkimeve Hapësinore dhe mbeturinat që u gjetën nga anija tani po mbahen në ruajtje. Por ende kjo Agjensi nuk e ka konfirmuar një fakt të tillë.

Në një Tweet, Agjencia Australiane e Hapësirës tha: “Mbetjet mbeten në ruajtje dhe Agjencia Australiane e Hapësirës po punon me ISRO, e cila do të sigurojë konfirmim të mëtejshëm për të përcaktuar hapat e ardhshëm, duke përfshirë marrjen në konsideratë të detyrimeve sipas traktateve të Kombeve të Bashkuara për hapësirën.

“Nëse komuniteti vëren ndonjë mbeturinë të mëtejshme të dyshuar, ata duhet ta raportojnë atë tek autoritetet lokale dhe të njoftojnë Agjencinë Australiane të Hapësirës përmes [email protected].

Një ngjarje e paprecedentë ka ndodhur në tragetin e linjës Bari- Durrës.

Policia bën me dije se dy laçjanë, së bashku me një tjetër të ri banues në Kamëz, janë konfliktuar dhe kanë dhunuar me grushte një djalë nga Vlora.

Paraprakisht raportohet se 28-vjeçari nga Vlora ndodhet në spital dhe jashtë rrezikut për jetën.

Nga ana tjetër 3 dhunuesit janë proceduar penalisht nga policia.

“Specialistët për Hetimin e Krimeve ndaj Personit dhe Pasurisë të DVP Durrës arrestuan në flagrancë shtetasit F. U., 30 vjeç dhe B. V., 22 vjeç, të dy banues në Laç, si dhe nisi procedimi në gjendje të lirë për shtetasin D. G., 34 vjeç, banues në Kamëz, Tiranë, pasi në bashkëpunim me njëri-tjetrin, gjatë kohës që kanë qenë duke udhëtuar me tragetin e linjës Bari-Durrës, janë konfliktuar dhe kanë goditur me grushte shtetasin G. F., 28 vjeç, banues në Vlorë, i cili ndodhet jashtë rrezikut për jetën.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.”- njofton policia.

Pas një jave rritje, kursi i këmbimit mes Euros dhe Lekut ka shënuar një rënie të fortë.

Sipas kursit zyrtar të këmbimit të Bankës së Shqipërisë, monedha europiane u këmbye sot me 102.87 lekë.

Ndryshe nga një javë më parë, ku euro u këmbye me 105 lekë, sot ka rënë me pothuajse tre lekë.

Rënia e kursit të Euros është reflektuar në përmasa të ngjashme edhe në kursin e valutave të tjera kryesore. Dollari Amerikan u këmbye me 93.22 lekë, në rënie me 3.33 lekë krahasuar me fundin e javës së kaluar. Paundi Britanik u këmbye me 119.8 lekë, në rënie me 3.92 lekë nga një javë më parë.

Duket se forcimi i monedhës vendase po ndikon negativisht në sektorët eksportues të ekonomisë, tek biznesi, turizmi por dhe tek sektori i fasonerisë.

Gjithashtu forcimi i Lekut po i bën më të lira importet, duke bërë që Shqipëria të ketë inflacion më të ulët në krahasim me vendet e tjera në rajon.

Kjo javë, e cila përkon edhe me nisjen e muajit Gusht, nuk do të shoqërohet me temperatura të larta.

Sipas parashikimeve të sinoptikanëve deri ditën e mërkurë java do jetë e freskët. E enjtja dhe e premtja do sjellin një rritje të temperaturave me 3-4 gradë.

Sipas parashikimeve të meteorologëve, gjatë 15-ditëshit të parë të muajit Gusht, pritet të ketë edhe stuhi topikale afatshkurtra, por edhe ditë kur termometri pritet të ngjitet në 40 gradë.

Të shtunën dhe të dielën, temperaturat pritet të pësojnë ulje të ndjeshme, madje pritet dhe shi në një pjesë të madhe të territorit të vendit.

Sektori për Hetimin e Krimeve Kibernetike në Drejtorinë Vendore të Policisë së Tiranës u ka bërë thirrje qytetarëve që të mos bien pre e mashtrimeve në rrjetet sociale.

Policia i referohet rasteve kur në rrjetet sociale tregtohen valixhe të cilat shiten me çmime të ulëta për të tërhequr vëmendjen e përdoruesve.

Pavarësisht se gjuha e përdorur në shkrimet e publikuara është shqip, sipas policisë dyshohet se administratorët e këtyre profileve nuk janë shtetas shqiptarë.

“..janë konstatuar profile të ndryshme, kryesisht në rrjetin social “Facebook”, por jo vetëm, të cilat reklamojnë produkte që përdoren për udhëtim, me çmime shumë të ulëta, për të tërhequr vëmendjen e sa më shumë përdoruesve.

Pavarësisht se gjuha e përdorur në shkrimet e publikuara është shqip, dyshohet se administratorët e këtyre profileve nuk janë shtetas shqiptarë”, thuhet në njoftimin e policisë së Tiranës.

Policia shpjegon se duke ka dyshime se “në rastet kur përdoruesit e interesuar, vendosin të dhënat e tyre personale apo bankare, për të bërë porosinë për produktin e reklamuar, produkti nuk dërgohet në destinacion dhe të dhënat e paraqitura vendosen në posedimin e personave që kanë krijuar këto profile”

Për këtë arsye ajo këshillon qytetarët që të sigurohen për “autenticitetin e faqes apo të profileve që mund të shikoni, përpara se të kryeni porositë tuaja”.

Ndërsa ka ftuar të gjithë qytetarët që mund të jenë të dëmtuar nga ky aktivitet, ose që konstatojnë faqe të tilla, të paraqiten në Sektorin për Hetimin e Krimeve Kibernetike, në Drejtrorinë Vendore të Policisë Tiranë.

Dy të rinj egjiptianë u arrestuan për vrasjen e një 19-vjeçari po shtetas egjiptian.

Trupi i të riut u gjet pa kokë dhe me duar të prera, pak ditë më parë i hedhur në det përballë portit të vogël të Santa Margherita Ligure, Itali.

19-vjeçari, Mohamoud Sayed Mohamed Abdalla, mendohet se është vrarë natën midis të dielës 23 dhe të hënës 24 korrik dhe u hodh në det.

Të dy egjiptianët u dërguan pasditen e 30 korrikut në prokurori dhe u morën në pyetje për gati 6 orë dhe më pas ndaj tyre u firmos urdhërarresti.

Sipas hetuesve, pas vrasjes autorët dyshohen se kanë hedhur trupin në det, por rrymat e kanë shtyrë trupin e pajetë në vendin ku dhe u gjet i vdekur, në brigjet e Santa Margherita Ligure (Genova).

Nëndrejtoresha e një shkolle 9 vjeçare në Shtetet e Bashkuara përfundoi në spital me plagë të lehta në kokë dhe trup si pasojë e një sulmi të një grupi nxënësish.

Ngjarja e rëndë u regjistrua në shkollën “Westfield High School” në Teksas, ku shihen nxënësit që dhunojnë mësuesen, teksa kjo e fundit kishte ndërhyrë për të shuar një sherr mes dy djemve të klasës së nëntë.

Videoja u filmua nga fëmijët e tjerë që shihnin ngjarjen, dhe si në çdo rast të ngjashëm u postua me shpejtësi në rrjetet sociale.

Babai i mësueses së lënduar tregon se ajo ka dhimbje në kokë dhe do t’i nënshtrohet një skaneri, teksa kërkon drejtësi mbi autorët e sulmit.

Për ngjarjen reaguan dhe mësuesit e tjerë të shkollës, të cilët deklaruan se ndihen të pasigurt brenda ambienteve ku ushtrojnë detyrën.

VIDEO