Sot, më 02 shkurt 2024, dollari amerikan blihet me 95.8 lekë dhe shitet me 96.6 lekë.

Euro blihet me 103.7 lekë dhe shitet 104.3 lekë.

Franga zvicerane këmbehet në blerje me 110.7 lekë, ndërsa në shitje me 111.5 lekë.
Paundi britanik blihet me 120.8 lekë dhe shitet me 121.6 lekë.

Dollari kanadez sot në blerje këmbehet me 71 lekë, ndërsa në shitje me 72 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Një fundjavë me kthjellime dhe kalime të pakëta vranësirash, kështu pritet të jetë moti këtë fundjavë sipas sinoptikanit Hakil Osmani. Në një lidhje direkte për Klan News, Osmani thotë se pritet që fundjava të jetë kryesisht me mot të qëndrueshëm në territorin shqiptar. 

Hakil Osmani: Dita e sotme ka nisur nën mbizotërimin e vranësirave të shpeshta në orët e para të mëngjesit, por pritet që mesdita dhe pasditja të sjellin dominim të kthjellimeve në Ultësirën Perëndimore. Parashikohet që fundjava të vijojë me mot të qëndrueshëm, do të ketë intervale të gjata kthjellimesh, kalime të pakëta të vranësirave, më të fokusuara këto vranësira pritet të jenë në zonat malore, por nuk pritet të kemi prezente reshje. 

Përsa i përket temperaturave të ajrit, sinoptikani Osmani thotë se do të pësojnë rritje, madje ditën e dielë pritet të shënojnë deri në 19 gradë Celsius në zonat e Ultësirës Perëndimore. 

Hakil Osmani: Përsa i përket temperaturave të ajrit, do të vijojë rritja e tyre graduale. Edhe pse mëngjesin e ditës së shtunë do të kemi një rritje të lehtë me 1 gradë Celsius, duke bërë që vlerat minimale në qytetet e zonave malore të shënojnë minus 1 ose 0 gradë Celsius. Ndërsa në Ultësirën Perëndimore do të luhaten nga 4 gradë Celsius deri në 8 gradë Celsius në orët e para të mëngjesit. Parashikohet që mesdita të sjellë një rritje tjetër të temperaturave të ajrit duke bërë që ditën e shtunë të regjistrojnë vlerën edhe 11 gradë Celsius në zonën malore, ndërsa në Ultësirën Perëndimore do t’i kemi rreth vlerës 18 apo 19 gradë Celsius. Dita e dielë sjell një tjetër rritje me 0.5 gradë Celsius të temperaturave të ajrit, më e ndjeshme rritja do të jetë në orët e para të mëngjesit, ndërsa mesdita do të sjellë temperaturat në vlerën 19 gradë Celsius. 

Gjatë intervistës në ‘Çim Peka LIVE’, në SYRI TV, ish-zv/kryeministri Arben Ahmetaj është shprehur se nëse SPAK do të hetojë siç duhet dhe do të ndjekë paratë, shqiptarët do të llahtarisen se deri ku shkon afera e inceneratorëve.

Çim Peka: Pse i shmangin procedurat sipas jush?

Arben Ahmetaj: Po qe se do bëhet, dhe i sfidoj. Po qe se do të bëhej një hetim i vërtetë për inceneratorin e Tiranës, shqiptarët nuk do të habiten, por do të llahtarisen se deri ku do të shkojë. Po sigurisht që SPAK nuk e bën këtë. Unë thashë, ‘ndiq paratë’. Unë isha i akuzuar nga opinioni publik pra, në populizmin penal shqiptar, unë po goditesha me gurë nga dritaret e Top Channel, apo nga të gjitha mediat e paguara nga inceneratorët. Mercenarë, vullnetarë, të paguar, të sponsorizuar, të gjithë. Unë habitem se si, kur del nëpër letra se je paguar nga inceneratorët dhe të dalësh të bësh sikur po lufton korrupsioni është çmenduri. Megjithatë ky është një diskutim dhe kapitull tjetër. Pra, po të hetohet Tirana, shqiptarët nuk do të habiten, por të llahtarisen. Do të shkojë shumë lart.
Arben Ahmetaj: Lart në maksimum. Cila është arsyeja po ua them tani.

Çim Peka: Lart në maksimum? Ju thoni se përveç kryetarit të bashkisë edhe kryeministrit …

Arben Ahmetaj: Do të vijmë tek të gjitha. Të gjithë ata që kanë inspiruar politikisht goditjen për kokë turku. Më pyete pse ka nisur përplasja. Goditja ndaj meje ka nisur herët. Unë kam pasur përplasjet e mia, siç kam pasur edhe ditët e mira me kryeministrin. Përplasje disa serioze, disa profesionale, disa politike, kuptohet aq sa e lejon të qenit i sjellshëm, rigoroz dhe të qenit besimplotë në atë bën dhe atë që thua.

Çim Peka: Perceptimi është se refuzimi juaj për inceneratorin e Tiranës ka të bëjë me faktin se aty u fut në lojë edhe nëpërmjet kryetarit Veliaj, Ben Blushi, në atë kohë drejtues i Top Channel dhe Arben Ahmetaj u la jashtë. Dhe perceptimi i këtyre dy qendrave të Tiranës, nëpër ambasada që thoni ju, por edhe nëpër media, është që Arben Ahmetaj kur u përjashtua nga Tirana sepse aty u fut Ben Blushi dhe Top Channel, Edi Rama dhe Erion Veliaj vetë, dosjen e inceneratorëve e dorëzoi te Ilir Meta. Kjo është arsyeja se dy qendrat e Tiranës, që unë e di për kë e keni fjalën dhe ju do i thoni vetë, shpërndajnë jo vetëm nëpër ambasada, por edhe media. Ju kishit interes edhe për shkak të miqësise te Elbasani dhe Fieri, dhe kur u latë jashtë te Tirana dhe u zëvendësuat me Ben Blushin, Top Channel dhe Erion Veliajn, ju dosjen e shkeljeve të procedurave e dorëzuat tek Ilir Meta.

Arben Ahmetaj: Teoria e konspiracioni që unë kam dorëzuar dosjen tek Ilir Meta dhe ambasada amerikane është furnizuar nga Erion Veliaj, Belinda Balluku dhe unë nuk e besoj se Edi Rama e ka besuar, sepse është më i zgjuar se kaq. Këtë histori e ka besuar Lefter Koka dhe Mirel Mërtiri. Dosja dihet publikisht ka qenë pjesë e hetimit të KLSH-së. Por kjo u përdor si justifikim për të gjetur kokën e turkut. Cila ishte koka e turkut? Ishte një njeri që e ka pranuar që ishte mik me Mirel Mërtirin. Po mirë, po ky s’ka marrë pjesë në procedura, por ky nuk ka firmosur. Po ca na duhet se s’ka firmosur. Ne do ta ndërtojmë goditjen e këtij njeriu dal e nga dal, në mënyrë që nxjerrja në pritë politike, të kthehet në vrasje juridike. Dhe cilat janë hapat. Filloi gjithë tymnaja, jo ka dhënë jo nuk ka dhënë dosjen. Unë nuk e mora seriozisht në momentin e parë që e dëgjova. Ish miq të mi mundoheshin në tryeza ta thonin kështu me keqardhje; po si ka mundësi që ky Ben Ahmetaj ja dha dosjen Ilir Metës dhe ambasadës së SHBA. Dmth sikur i vinte keq për mua, si të habitur. Një kultivim i një konspiracioni të gjatë, nuk e besoj se Ed Rama e ka besuar këtë, por Ed Rama e ka përdorur këtë kundër meje për të gjetur një njeri, që sipas tij ti vejë tapë çështjes së inceneratorëve.

Çim Peka: Po pse ti vendosjes tapë me ju që nuk ishit pjesë e procedurave të inceneratorëve, kur mund të ja vendosje tapë me Veliajn, Ballukun apo dikë tjetër, apo Damian Gjiknurin që kanë qenë pjesë e procedurave.

Arben Ahmetaj: Kjo është pyetje edhe për ju. Cila është arsyeja.

Çim Peka: Nuk e njoh unë Edi Ramën.

Arben Ahmetaj: Unë e njoh shumë mirë Edi Ramën.

Çim Peka: Sepse procedurat e përfshijnë dhe atë dhe ai nuk kishte interes të hetoheshin procedura.

Arben Ahmetaj: Procedurat i përfshijnë të gjithë. Çfarë dua të them. A ka vendime për bonuset? Ka vendime për bonuset. Unë nga personat që ti përmende jam i vetmi që nuk kam firmosur për procedure. Nuk kam bërë as prokurim, nuk kam qenë as autoritet kontraktor. Të gjithë në një moment apo në një tjetër …

Çim Peka: Ju po thoni se duke qenë se duhej bërë patjetër një kokë turku për inceneratorët, sepse zhurma, hetimi, abuzimi ishte i madh, Rama bëri sikur e besonte alibinë e Veliajt dhe Ballkukut, por nuk e besonte se është shumë më i zgjuar se kaq, por i duhej një kokë turku dhe ky kokë turku duhej të ishte dikush që është jashtë procedurës, që nuk ka lidhje me të, sepse po të jetë në procedurë shkon tek të gjithë?

Arben Ahmetaj: Po të ishte në një pjesë të procedurës, po të zbërthehet një nga nyjet e procedurës, praktikisht nuk ka më pazëll për inceneratorin e Tiranës, nuk ka më pazëll.

Dhe po ta them dhe tani. Pra çfarë ndodhi? Në shkurt të 2022 e gjithë histeria e kësaj teorie të konspiracionit duke e konturuar dhe me elementë të tjerë përplasje, praktikisht solli në atë që unë isha i bindur që marrëdhënia ime me kryeministrin kishte mbaruar. Ai mund edhe ta mohojë këtë gjë, por përpara Zotit kjo është e vërteta. I kam kërkuar të largohem në shkurt të 2022. Jam ulur përballë dhe i kam thënë, që marrëdhënia jonë është përmbysur, unë këtu nuk jam për asgjë tjetër. Të gjithë e dinin në PS se unë nuk kam aspiruar as të bëhem sekretar i përgjithshëm, as kryetar grupi, as të kthehesha ministër, as të bëhesha kryetar bashkie. Nuk kam aspiruar. Unë i thashë jam këtu për besimin që kam pasur të marrëdhënia qe kemi pasur bashkë. Kjo marrëdhënie është përmbysur. Për të mos krijuar probleme politike me dorëheqje, më lër të largohem. Në mënyrën që ka, që nuk përballet, jo po nuk është e vërtetë. Cila ishte arsyeja, të cilën për hir të së vërtetës e kam bashkuar si pazëll pak më vonë. Ishte 24 korrikut, të bënte atë shou për të më shkarkuar gjysëm ore pasi Ilir Meta kishte lënë presidencën dhe Bajram Begaj ishte inauguruar president. Cila ishte urgjenca?

Çim Peka: Urgjenca ishte se Edi Rama kishte dhënë një urdhër që asnjë ministër dhe asnjë zyrtar i lartë i PS-së të mos shoqërohej me pronarin e Neës24, Irfan Hysenbelliu. Indicia dhe argumenti sipas dy qendrave të Tiranës, ishte se ju menjëherë pas betimit të Bajram Begajt, po drekonit me Irfan Hysenbelliu. Madje Ramës i është dërguar një foto nga dreka ku ju ishit.

Arben Ahmetaj: Jo nuk është tamam kështu. Mos shkëputemi nga gjëja.

Çim Peka: Arsyeja e Ramës, sipas tij.

Arben Ahmetaj: Qarkullon një, po quaj gjysëm thashetheme, gjysëm e vërtetë që marrëdhënia ime me Irfan Hysenbelliun, mund të ketë qenë një nga arsyet që unë jam larguar. Po të ishte kjo, do të ishte po kaq perverse dhe fëminore. Do preferoja të ngelej te perversja se sa te kjo fëminorja. Dhe arsyeja ishte simbolike për të ju treguar medemek shqiptarëve se po largoj njeriun e Ilir Metës. Unë dhe Ilir Meta nuk kemi qenë ndonjëherë miq me njëri tjetrin. Edi Rama dhe Ilir Meta kanë qenë të njëri tjetrit. Unë kam qenë i PS-së. Mund të më quash të Nanos, disa kohë të Edi Ramës, por unë kam qenë i PS-së, dhe unë nuk kam pasur ndonjëherë marrëdhënie varësie, apo vasaliteti me Ilir Metën. Jo. Asnjëherë. Ishte simbolik. Dhe atë natë është thënë një fjali, kur është mbledhur ish-sekretari i Përgjithshëm. Meqë ra fjala, një nga arsyet që nuk është sekretar i Përgjithshëm është se i ka thënë Ed Ramës, sigurisht që Damiani edhe mund ta mohojë, punët e tij, i ka raportet me të vërtetën vetë, jo me mua, se i ka thënë që, ajo që po ndodh me Arben Ahmetaj së pari është shkelje procedurale nga ana e SPAK, së dyti është e gabuar. Kjo është arsyeja pse ka ikur nga sekretar i Përgjithshëm, por nuk dua të kërcej nga dega në degë.

Nënë e bijë, Eleni dhe Ornela Vangjeli, njëra 75 vjeçe e tjetra 54 vjeçe janë gjetur pa jetë në banesën e tyre në lagjen nr. 17, Korçë. Prej 5 ditësh nuk iu përgjigjeshin familjarëve në telefon, ndaj i shqetësuar djali i të moshuarës që jetonte dhe punontë në Greqi është nisur për në Shqipëri për të mësuar për fatin tragjik të tyre.

“Më datë 01.02.2024, rreth orës 16:42, në lagjen nr. 17, Korçë, në banesë, janë gjetur pa jetë, pa shenja dhune shtetaset E. V., 75 vjeçe dhe vajza e saj O. V., 54 vjeçe. Nga të dhënat e para, rezulton se këto shtetase nuk ju ishin përgjigjur në telefon familjarëve të tyre, prej disa ditësh”, njofton policia.

Dera e banesës së tyre është hapur nga shërbimet e zjarrfikësve, pasi ishte e kyçur nga brenda. Paraprakisht dyshohet se këto dy shtetase mund të kenë humbur jetë për shkaqe natyrale.

Burime për Report TV bëjnë me dije se dyshohet që 54-vjeçarja të ketë pësuar infarkt, më pas ka ndërruar jetë nëna e saj paralizuar.

Një situatë e pazakontë ka ndodhur ditën e sotme në Big Brother. Banorët kanë gjetur Erjolën në sallon duke qarë me dënesë teksa ishte mbuluar me pudër. Erjola tha se dikush i bën keq duke e parë nga televizori pasi i ndodh gjithmonë diçka e keqe dhe shikon hije nëpër shtëpi.

“Natën shikoj hije nëpër shtëpi. Jam zgjuar me shenja në trup”, tha Erjola. Kjo i ka shokuar banorët të cilët e kanë nxjerrë në oborr dhe janë munduar ta qetësojnë.

Dy shqiptarë të moshës 34 dhe 20 vjeç, njëri prej të cilëve u gjurmua në Mantua, u arrestuan nga policia italiane në zbatim të urdhrit të lëshuar nga gjykata e Pesaros.

Të dy u hetuan nga oficerët e komisariatit të Fanos për një episod që daton në shtatorin e kaluar, kur policia ndërhyri në lagjen Rosciano të Fanos, ku dy persona u raportuan se kishin hyrë fshehurazi në një shtëpi.

Ndërhyrja e policisë i ka detyruar të dy të largohen. Megjithatë, hetimet e mëvonshme çuan në identifikimin shqiptarëve, të cilët qëndronin në mënyrë të parregullt në territorin italian, të cilët vepronin duke përdorur automjete të marra me qira dhe kishin shënjestruar kryesisht shtëpitë e të moshuarve, të cilët i goditën pas vëzhgimit nga jashtë.

Diten e sotme, më 1 shkurt 2024, dollari amerikan blihet me 95.3 lekë dhe shitet me 96.3 lekë. Euro blihet me 103.6 lekë dhe shitet 104.2 lekë

Paundi britanik sot blihet me 120.7 lekë dhe shitet me 121.7 lekë. Franga zvicerane këmbehet sot në blerje me 110.4 lekë, ndërsa në shitje me 111.4 lekë.

Dollari kanadez sot në blerje këmbehet me 70.8 lekë dhe në shitje me 71.8 lekë.

Më poshtë po sjellim të dhënat e këmbimit valutor, për të gjitha monedhat e huaja:

Shqiptari që tronditi Floridën dhe Shqipërinë me aktin mizor të vrasjes së bashkëshortes së tij, ka dalë ditën e djeshme para gjykatës duke mos shprehur asnje pendese per krimin e kryer.Mediat e huaja shkruajnë se Renato Muhaj nuk ka shprehur asnjë pendesë për aktet e njëpasnjëshme kriminale që ka kryer, por ai ka kërkuar një avokat.

Kërkesa e tij është pranuar, por më pas 34-vjeçari ka kërkuar që të lërë garanci bankare për lirimin e tij nën pretekstin se ka një vajzë të mitur të vetme. Mirëpo këtu gjyqtari nuk ka toleruar duke ia bërë të qartë thuajse gjithçka: “Ti kurrë s‘do ta shohësh më vajzën tënde!”.

Prokuroria e Largo në Florida, thotë se krimet e 34-vjeçarit erdhën dhe u përkeqësuan në një hark të shkurtër kohor, ndërsa tanimë duket se koha kur ai do të lërë qelinë do të jetë e largët.

Gjyqtari i lexoi shqiptarit listën e gjatë të akuzave që rëndojnë mbi të.

Në seanca gjykatësi u sigurua se Muhaj nuk do të jetë më në gjendje të shohë vajzën e tij, nëse ndonjë ditë do të dalë nga burgu.

Vetë 34-vjeçari në gjykata nuk ka shfaqur asnjë lloj emocioni, ndërsa pyetje e vetme e tij ishte: “A do caktoni avokat për mua?”.

Mediat vendase kanë folur edhe me familjen e të ndjerës, Suelës, të cilët të tronditur kanë thënë se i kërkojnë falje që ishin vonë dhe se shpëtuan dot, ndërkohë që edhe në Mallkastër, në vendlindjen e vajzës që punonte bankiere prej dy ditësh flitet dhe mbahet zi për të.

Ndërkohë që gjyqtari i tha “Po”, duke shtuar se avokati i tij ishte në sallë.

Sot, më 31 janar 2024, dollari amerikan blihet me 95.6 lekë dhe shitet me 96.4 lekë. Euro blihet me 103.5 lekë dhe shitet 104.2 lekë.

Paundi britanik sot blihet me 120.5 lekë dhe shitet me 121.7 lekë. Franga zvicerane këmbehet sot në blerje me 110.2 lekë, ndërsa në shitje me 111.2 lekë.

Dollari kanadez sot në blerje këmbehet me 70.7 lekë dhe në shitje me 71.7 lekë.

Më poshtë po sjellim të dhënat e këmbimit valutor, për të gjitha monedhat e huaja: